लातूर जिल्ह्यातून एक धक्कादायक बाती समोर आली आहे. लातूरमधील खरोसा इथे एक हृदयद्रावक घटना घडली आहे. यामध्ये सासरच्यांच्या छळाला कंटाळून एक विविहित महिलेने विहिरीत उडी घेत आत्महत्या केल्याची घटना घडलीये. यावेळी तिने एकटीने विहिरीत उडी घेतली नसून तिच्या दोन मुलांसह आत्महत्या केली आहे. यामुळे आजूबाजूचा संपूर्ण परिसर हादरला आहे.
हाती आलेल्या माहितीनुसार, स्वयंपाक घरात गॅसवर जेवण बनवण्यावरून या महिलेच्या घरात वाद झाला होता. या किरकोळ वादातून महिलेला सासरच्यांनी मानसिक त्रास आणि छळ करण्यास सुरुवात केली. तिचा सतत छळ होऊ लागल्याने संबंधित तरूणी कंटाळली आणि तिने स्वतःच्या दोन मुलांसह आत्महत्या करण्याचा टोकाचा निर्णय घेतला.
जेव्हा ही धक्कादायक घटना समोर आली तेव्हा संपूर्ण गावात खळबळ उडाली. यावेळी सासरच्यांविरोधात पोलीस स्टेशनमध्ये धाव घेण्यात आली. पोलिसांना या घटनेची माहिती मिळता किल्लारी पोलिसांनी घटनास्थळी धाव घेतली. दरम्यान पोलिसांनी पंचनामा केला असून पुढील तपास सुरु आहे.
दोन मुलांसह आत्महत्या केलेल्या महिलेच्या सासरच्यांविरोधात पोलिसांनी गुन्हा दाखल केला आहे. या प्रकरणाची सखोल चौकशी करून पोलीस तपास देखील करत आहेत. ही घटना नेमकी का घडली आणि त्यामागचं कारण शोधण्याचाही प्रयत्न पोलिसांकडून सुरु आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.