Pune Crime News : मुळशी तालुक्यात माजी सरपंचांच्या घरातून सात लाखांचे दागिने लंपास

Mulshi Crime News :

पुण्याच्या मुळाशी (mulshi) तालुक्यातील पौंड गावाचे माजी सरपंच विनायक गुजर यांच्या घरात चाेरी झाली. या घटनेत सात लाख बावीस हजारांचा ऐवज चोरांनी लंपास केला. यामध्ये सोने आणि चांदीच्या दागिन्यांचा समावेश. पाेलिस या घटनेचा तपास करीत आहेत. (Maharashtra News)

पाेलिसांकडून मिळालेल्या माहिती नुसार पौडच्या गजबजलेल्या जुन्या बाजारपेठेत गुजर यांचे घर आहे. या घराच्या मुख्य दरवाजाचे कुलूप तोडून चोरट्यांनी घरात प्रवेश केला. आतील दोन दरवाज्याचे कुलूप तोडून घरातील कपाटाची कुलूप तोडून चोरट्यांनी चोरी केली. मागील दरवाज्याने चोर पळून गेल्याचा संशय पोलिसांनी व्यक्त केला आहे.

या घटनेत सोन्याच्या अंगठ्या, साेन्याचे गोप, साखळी, ब्रेसलेट, पोत, बदामाचे पान, चांदीचे ताम्हण, बांगड्या, गणपतीचा मुकुट, पैंजण, मनगटे, कानातील मोत्यांची व चांदीच्या कुड्या असे साडेअकरा तोळे सोने व 46 तोळे चांदी चाेरीस गेल्याची नाेंद करण्यात आली आहे. पौड पोलिस चोरांचा शोध घेत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar