Pune Firing : पुण्यात चाललंय काय? शहरात सलग दुसऱ्या दिवशी गोळीबार, परिसरात खळबळ

Pune Firing News Update : पुण्यात काल मंगळवारी सायंकाळी बांधकाम व्यावसायिकावर गोळीबाराचा प्रयत्न झाला. त्यानंतर आज बुधवारी पुन्हा एकदा गोळीबाराची घटना समोर आली आहे.
pune
pune Saam tv

सागर आव्हाड, पुणे

पुणे : पुण्यात काल मंगळवारी सायंकाळी बांधकाम व्यावसायिकावर गोळीबाराचा प्रयत्न झाला. त्यानंतर आज बुधवारी पुन्हा एकदा गोळीबाराची घटना समोर आली आहे. पुण्यातील हडपसरमध्ये ही गोळीबार झाल्याची घटना घडली. या घटनेमुळे परिसरात एकच खळबळ उडाली आहे. सलग दोन दिवसाच्या गोळीबाराच्या घटनेनेमुळे लोकांमध्ये दहशत निर्माण झाली आहे.

पुण्यात काल संध्याकाळी बांधकाम व्यावसायिकावर गोळीबाराचा प्रयत्न झाला. काल सायंकाळी जंगली महाराज रस्त्यावर असलेल्या वन प्लस शोरुम समोरील धक्कादायक प्रकार घडला. त्यानंतर दुसऱ्यादिवशी गोळीबाराची घटना घडली. पुण्यातील हडपसरमध्ये बुधवारी गोळीबाराची घटना घडली.

pune
Pune Crime : पुण्यात सायबर चोरट्यांचा सुळसुळाट; सेक्स एस्कॉर्टच्या नावाखाली तरुणाची हजारोंची फसवणूक

पुण्यातील हडपसरमधील शेवाळवाडीतील नंदिनी सोसायटीसमोर ही गोळीबाराची घटना घडली. व्यावसायिक वादातून एका माजी सैनिकाने गोळीबार केला. माजी सैनिक जयवंत खलाटे यांच्यावर आरोपी माजी सैनिक सुधीर शेडगे या आरोपीने गोळीबार केला. खलाटे आणि शेडगे दोघेही माजी सैनिक आहेत. पुण्यात सलग दुसऱ्या दिवशी गोळीबाराची घटना घडल्याने परिसरात खळबळ उडाली आहे.

pune
Kalyan Crime News : मित्राच्या बायकोला का बघतोय? असा जाब विचारल्याने दोघांवर हल्ला; रेल्वे स्थानकातील धक्कादायक घटना

बांधकाम व्यावसायिकावर गोळीबाराचा प्रयत्न

पुण्यातील बांधकाम व्यावसायिक धीरज दिनेशचंद्र आरगडे यांच्यावर स्विगीचे वस्त्त्र परिधान करून दुचाकीवरून आलेल्या दोघांनी गोळबार करण्याचा प्रयत्न केला. हल्लेखोरांनी डोक्यात हेल्मेट घातले होते. या दोघांनी पिस्तूल काढून दोन वेळा फार करण्याचा प्रयत्न केला. मात्र, गोळीबार न झाल्याने दोन्ही आरोपी पळून गेले. हा सर्व प्रकार सीसीटीव्हीमध्ये कैद झाला आहे. या प्रकरणी शिवाजीनगर पोलिसांमध्ये या प्रकरणी गुन्हा नोंद करण्यात आला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com