FDA Nagpur : नागपुरात 92 हजार रुपयांचे चीज, पनीर सदृश पदार्थ जप्त, अन्न व औषध प्रशासनाची माेठी कारवाई

- पराग ढाेबळे

Nagpur :

नागपूर जिल्ह्यात अन्न व औषध प्रशासन विभागाने चीज आणि पनीर सदृश पदार्थ जप्त केला आहे. त्याची किंमत सुमारे 92 हजार रुपये इतकी आहे. प्राप्त माहितीनूसार सुमारे 442 किलोग्राम पदार्थ जप्त करण्यात आले आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अन्न व औषध प्रशासन विभागास नागपूर जिल्ह्यात बनावट पनीरचा खप केला जात असल्याची तक्रार प्राप्त झाली हाेती. त्यानूसार अन्न व औषध प्रशासन विभाग सतर्क हाेते. मध्य प्रदेश येथून नागपुरात बस मधून पनीर सारखा दिसणारा पदार्थ आणणार असल्याची माहिती प्राप्त हाेताच बसवर छापा टाकण्यात आला. (Maharashtra News)

या कारवाईत 92 हजार रुपयांचे सुमारे 442 किलोग्राम चीज आणि पनीर सदृश पदार्थ जप्त करण्यात आले आहेत. चीज अनालॉग हा चीज आणि पनीरसाठी स्वस्त पर्याय आहे. चीज आणि पनीरच्या नावाखाली हा पदार्थ हॉटेल्स आणि रेस्टॉरंट मध्ये वापरण्यात येत असल्याचा संशय अन्न व औषध विभागाला आहे. खाद्य तेल, दूध पावडर आणि इतर साहित्याचा वापर करून चीज अनालॉग तयार करण्यात येतं अशी माहिती प्राप्त हाेत आहे.

Edited By : Siddharth Latkar