Dhule News : धुळे जिल्हा पोलीस दलाचे मध्यरात्री ऑल आऊट मिशन; मोठा शस्त्र साठा जप्त

भूषण अहिरे

लोकसभा निवडणुकीच्या पार्श्वभूमीवर धुळे जिल्हा पोलीस दलाच्या वतीने मध्यरात्री अचानक ऑल आऊट मिशन राबविण्यात आले. या ऑल आऊट मिशनच्या माध्यमातून धुळे जिल्हा पोलीस दलाने जिल्हाभरातील जवळपास 45 ठिकाणी मध्यरात्री छापेमारी करत मोठ्या प्रमाणात शस्त्रसाठा जप्त केला आहे. त्याचबरोबर अवैधपणे गावठी कट्टा बाळगणाऱ्या दोघांना देखील पोलिसांनी ताब्यात घेतलं आहे, तर सात जणांकडून सहा तलवार व एक खंजीर पोलिसांनी जप्त केली आहे.

त्याच बरोबर गावठी दारूचे जिल्हाभरात जवळपास 11 अड्डे पोलिसांनी उध्वस्त केले आहे, तर 4 ठिकाणी जुगार अड्ड्यांवर देखील पोलिसांनी छापेमारी पोलिसांनी केली आहे, तर सार्वजनिक ठिकाणी उपद्रव घालणाऱ्या पाच जणांवर देखील गुन्हा दाखल करण्यात आला असून 63 जणांवर समन्स वारंट कारवाई करण्यात आली आहे, पोलीस प्रशासनाच्या या ऑपरेशन ऑल आउट मुळे गुन्हेगारी विश्वात एकच खळबळ उडाली आहे.