Delhi Crime : मोमोज खाताना खांद्याला हात लागला म्हणून मुलाला संपवलं, CCTV मुळं नेमकी घटना झाली उघड

Delhi Crime News :

दिल्लीतील द्वारका येथे एक धक्कादायक घटना घडली आहे. डाबरी परिसरात एका किरकोळ कारणातून १७ वर्षीय मुलाची हत्या झाली आहे. मोमोज खाताना या मुलाचा दुसऱ्या एका मुलाच्या खांद्याला स्पर्श झाला. त्यामुळे रागाच्या भरात अल्पवयीन मुलाची हत्या करण्यात आली. चाकू भोकसून अल्पवयीन मुलाची हत्या केली. पोलिसांनी या घटनेची माहिती दिली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांनी दिलेल्या माहितीनुसार, १७ डिसेंबर रोजी माहिती मिळाली की रोहतश नगर भागात मोमोज खाताना एका व्यक्तीच्या खांद्याला हात लागल्याने एका अल्पवयीन मुलाची हत्या करण्यात आली. या घटनेचा तपास सुरू असल्याचेही पोलिसांनी सांगितले.

तपास सुरू असताना पीडित मुलाच्या मित्रांनी या घटनेबाबत माहिती दिली. आरोपीदेखील अल्पवयीन असल्याचे समोर आले. आरोपीला लवकरच ताब्यात घेण्यात येईल. या घटनेचे सीसीटीव्ही फुटेज (CCTV Footage) तपासण्यात आले. यात एका तरुणाने दुसऱ्या तरुणावर चाकून वार केले. या प्रकरणी गुन्हा दाखल करण्यात आला असून, आरोपींना लवकरच अटक करण्यात येईल, असे पोलिसांनी सांगितले.