CCTV Footage: भरदिवसा सलूनमध्ये गोळीबार; २ जणांचा मृत्यू, थरारक घटनेनं दिल्ली हादरली

Salon cctv footage:

आधी कल्याण मग मुंबईमध्ये झालेल्या गोळीबाराच्या घटनेनं नागरिकांमध्ये घबराट परसली आहे. मुंबईतील गोळीबाराचा थरार अनेकांनी लाईव्ह पाहिला. त्यानंतर याचा व्हिडीओ देखील व्हायरल झाला. या दोन्ही घटना ताज्या असतानाच आता आणखी एक चित्तथरारक गोळीबाराची घटना समोर आली आहे.

देशाची राजधानी दिल्लीमध्ये देखील शुक्रावारी गोळीबार झाला आहे. एका सलूनमध्ये तीन अज्ञात व्यक्तींकडून गोळीबार करण्याता आलाय. या घटनेमध्ये २ व्यक्तींचा मृत्यू झाला आहे. थरारक घटनेनं मुंबईनंतर आता दिल्ली देखील हादरली आहे. पोलीस सध्या या प्रकरणी अधिक तपास करत आहेत.

घटनेबाबत मिळालेल्या अधिक माहितीनुसार, दिल्लीतील नजफगडमधील एका सलूनमध्ये ही घटना घडली आहे. सदर घटनेचा सीसीटीव्ही व्हिडीओ देखील समोर आलाय. हा व्हिडीओ सध्या सोशल मीडियावर व्हायरल होताना दिसत आहे.

व्हिडीओमध्ये तुम्ही पाहू शकता की, तीन तरुण सलूनमध्ये अचानक घुसले आहेत. सलूनमध्ये येताच त्यांनी गोंधळ, आरडाओरडा करण्यास सुरुवात केली. काही वेळातच तिथे एक व्यक्ती खाली बसलेला दिसत आहे. सलूनमध्ये घुसलेल्या तीन जणांपैकी एकाने या व्यक्तीच्या डोक्यावर बंदूक धरली आणि गोळीबार केला. एक मुलगी तेथून पळत आपला जीव वाचवण्यासाठी एका खोलीत शिरली आहे.

गोळीबार केल्यानंतर तीन्ही जण तेथून निघून गेले. त्यानंतर आसपासच्या दुकानातील व्यक्तींना त्यांना रुग्णालयात दाखल केले. रुग्णालयात नेताच त्यांना मृत घोषित करण्यात आले. घटनेमध्ये २ जणांचा मृत्यू झाला आहे. सदर घटनेची माहिती पोलिसांना मिळताच त्यांनी घटनास्थळी धाव घेतली. सलूमनधील सीसीटीव्ही फूटेज ताब्यात घेतलं असून पोलिसांकडून आरोपींचा शोध सुरू आहे. सोनू आणि आशिष अशी या दोन मृत तरुणांची नावे आहेत.