Bhandara Crime: घरासमोरून अपहरण, घरी नेलं अन् पँट काढली; तेवढ्यात..., ११ वर्षांच्या मुलीसोबत भयंकर घडलं

शुभम देशमुख, भंडारा

भंडाऱ्यातील तुमसर शहरामध्ये ११ वर्षांच्या मुलीवर लैंगिक अत्याचार झाल्याची संतापजनक घटना घडली. घरासमोर खेळणाऱ्या मुलीचे अपहरण करून आरोपी तिला घरी घेऊन गेला आणि त्याने तिच्यावर लैंगिक अत्याचार केला. १६ मे रोजी ही घटना घडली. या घटनेनंतर आरोपी पीडित मुलीच्या कुटुंबीयांना धमकी देत होते त्यामुळे त्यांनी तक्रार देणं टाळलं. पण आरोपीच्या धमक्या वाढल्यानंतर पालकांनी आज तक्रार दाखल केली त्यानंतर पोलिसांनी आरोपीविरोधात गुन्हा दाखल केला. आरोपी फरार असून पोलिस त्याचा शोध घेत आहेत.

तूमसरमध्ये ११ वर्षांच्या मुलीवर १६ मे रोजी लैंगिक अत्याचाराची घटना घडली. या प्रकरणी तब्बल दोन आठवड्यांनंतर पोलिसात तक्रार दाखल करण्यात आली. प्राथमिक माहितीनुसार घटनेनंतर पीडित मुलीच्या पालकांनी समाजाची भीती आणि आरोपींकडून येणाऱ्या धमक्यांमुळे तक्रार करण्याचे टाळले. मात्र आरोपीने थेट पीडितेच्या घरी जाऊन तिच्या पालकांना धमकी दिली. या प्रकारानंतर भयभीत झालेल्या कुटुंबियांनी अखेर धैर्य एकवटत तुमसर पोलिस ठाण्यात धाव घेत तक्रार दाखल केली. या तक्रारीनंतर पोलिसांनी आरोपीविरोधात गुन्हा दाखल केला.

पीडित मुलगी घराबाहेर खेळत होती. त्याठिकाणी आरोपी आला आणि त्याने तिचे तोंड दाबून जबरदस्तीने उचलून स्वत:च्या घरी नेले. आरोपीने स्वत:ची पँट काढली तेवढ्यात पीडित मुलीच्या भावाने आवाज दिला. पीडित मुलगी ओरडल्यामुळे आरोपीची पोलखोल झाली. त्याने लगच मागच्या दारातून पळ काढला. या घटनेनंतर आरोपीने पीडित मुलीच्या कुटुंबीयांना जीवे मारण्याची धमकी देत होता. तसंच त्यांना वारंवार शिवीगाळ करत होता. त्यानंतर पीडित मुलीच्या कुटुंबीयांनी पोलिस ठाणे गाठले आणि तक्रार दाखल केली.

पोलिसांकडून मिळालेल्या माहितीनुसार, पीडित मुलीची वैद्यकीय तपासणी करण्यात आली असून आरोपीच्या शोधासाठी विशेष पथक कार्यरत करण्यात आले आहे. या धक्कादायक घटनेमुळे नागरिकांमध्ये संतापाची लाट पसरली असून आरोपीला लवकरात लवकर अटक करून कठोर शिक्षा व्हावी, अशी मागणी होत आहे. या प्रकरणाचा सखोल तपास पोलिस करत असून लवकरच आरोपीला अटक होईल, असा विश्वास पोलिस प्रशासनाने व्यक्त केला आहे.