Sarpanch Murder Case Update: सरपंच हत्त्येप्रकरणी 2 मोबाईल जप्त; मोबाईलवरुन बड्या नेत्याला फोन?

सरपंच हत्या प्रकरणात राज्यातील वातावरण चांगलंच तापलं आहे. या प्रकरणी तपास करणाऱ्या सीआयडी पथकाला स्कॉर्पियो गाडीमधे 2 मोबाईल मिळाले आहेत, या मोबाईलमध्ये संतोष देशमुख यांना मारहाण करतानाच व्हिडिओ आणि मोबाईलवरुन एका बड्या नेत्याला फोन गेल्याची माहिती सूत्रांनी दिलीय.

सरपंच संतोष देशमुख हत्या प्रकरणात सीआयडीच्या तपासाने आता वेग घेतलाय. या प्रकरणी सीआयडीच्या हाती मोठे पुरावे लागले आहेत. गुन्ह्यात वापरलेले दोन मोबाईल सीआयडीला सापडले आहेत. जप्त केलेल्या स्कॉर्पियो गाडीत हे दोन मोबाईल आढळले असून, सरपंचांना मारहाण करतानाचा व्हिडिओ या मोबाईलमध्ये असल्याची माहिती सूत्रांनी दिलीय. तसंच एका बड्या नेत्याला याच मोबाईलमधून फोन केल्याचंही समोर आलं आहे.

या फोन मधून सध्या डेटा रिकवर करण्याचं काम सुरु असून आहे. याप्रकरणी अंजली दमानिया यांनी त्या बड्या नेत्याचं नाव जाहिर करण्याची मागणी केली आहे. आता हा बडा नेता कोण या असा प्रश्न उपस्थित झाला आहे. या मोबाईलद्वारे फरार आरोपींनी ज्या ज्या लोकांना संपर्क केला, त्यांची चौकशी पथकाद्वारे सुरु करण्यात आली आहे.

आतापर्यंत शंभरहून जास्त लोकांची चौकशी करण्यात आल्याची माहिती आहे. पण या संदर्भात कोणीतही अधिकृत माहिती देण्यात आलेली नाही. इतकंच काय तर या प्रकरणात आरोप होत असलेला वाल्मिक कराड फरार असून सीआयडीने कराडची पत्नी मंजिली कराड यांची केज पोलीस स्थानकात दुसऱ्यांदा चौकशी केली. वाल्मिक कराडवर याच पोलीस ठाण्यात खंडणीचाही गुन्हा दाखल आहे. या प्रकरणी आता सीआयडी तपासात काय मोठा खुलासा होतो आणि सरपंच संतोष देशमुखांचे खरे मारेकरी गजाआड जायला आणखीन किती वेळ लागतो हे पाहणं महत्त्वाचं ठरणार आहे.