Beed Crime: तू बाहेर ये तुला मारून टाकतो..., घरात घुसून शिवीगाळ अन् अमानुष मारहाण, वकिलाने महिलांनाही सोडलं नाही

Beed Police: बीडमध्ये भयंकर घटना घडली. माजलगावमध्ये एका वकिलाने घरात घुसून शिवीगाळ करत अमानुष मारहाण केली. यावेळी महिलांना देखील अमानुष मारहाण केली. या मारहाणीत महिला गंभीर जखमी झाल्या आहेत.
Beed Crime: तू बाहेर ये तुला मारून टाकतो..., घरात घुसून शिवीगाळ अन् अमानुष मारहाण, वकिलाने महिलांनाही सोडलं नाही
Beed Crime Newssamm tv
Published On

योगेश काशिद, बीड

बीडमध्ये एका वकिलासह त्याच्या कुटुंबीयांनी गावातील एका शेतकऱ्याच्या घरात घुसून शिवीगाळ करत बेदम मारहाण केली. बीडच्या माजलगावात तालुक्यातील गोविंदपूर येथे ही घटना घडली. दगडू रामभाऊ आवळे यांच्या कुटुंबीयांना जुन्या राजकीय वादातून मारहाण करण्यात आली. या वादातूनच वकिलासह त्याच्या कुटुंबीयाने शेतकऱ्याच्या घरावर दगडफेक करत, लाठ्याकाठ्यांनी मारहाण केली. आरोपींनी महिलांना देखील सोडले नाही. सर्वांना बेदम मारहाण करत जीवे मारण्याची धमकी दिली. या धक्कादायक घटनेमुळे माजलगावमध्ये खळबळ उडाली आहे.

मिळाळेल्या माहितीनुसार, माजलगाव तालुक्यातील गोविंदपूर या गावामध्ये राहणारे दगडू आवळे या शेतकऱ्याच्या कुटुंबीयांना गावातील काही स्थानिक राजकीय व्यक्तींनी आपल्या मनातील जुन्या वादातून घरात घुसून महिलांसह अनेकांना मारहाण केली. आरोपींनी महिलांना शिवीगाळ करत जीवे मारण्याच्या धमक्याही दिल्या. या प्रकारामुळे पीडित कुटुंबांमध्ये भीतीचं वातावरण निर्माण झाले आहे. घटनेची माहिती मिळताच माजलगाव पोलिस ठाण्याच्या अधिकाऱ्यांनी घटनास्थळी धाव घेतली.पीडित महिलांनी थेट माजलगाव पोलिस ठाण्यात धाव घेत तक्रार दाखल केली. या प्रकरणी ६ जणांविरोधात गंभीर स्वरूपाचा गुन्हा दाखल करण्यात आला आहे. संबंधित आरोपी फरार असून पोलिस त्यांचा शोध घेत आहेत.

Beed Crime: तू बाहेर ये तुला मारून टाकतो..., घरात घुसून शिवीगाळ अन् अमानुष मारहाण, वकिलाने महिलांनाही सोडलं नाही
Mumbai Crime: कॅबमध्ये दोघे शिरले अन् हात पिळून विनयभंग; मुंबईत महिला पायलटसोबत रात्री आक्रित घडलं

याप्रकरणी पीडित महिलांचे जबाब नोंदवून संबंधितांविरोधात कलम 323, 504, 506, अनुसूचित जाती अत्याचार प्रतिबंधक कायद्यानुसार गुन्हा दाखल करण्यात आला आहे. दगडू आवळे यांनी सांगितले की, 'वकील, त्याच्या बायकोसह ६ जण आमच्या घराबाहेर आले होते. त्यांनी माझ्या मुलाला राम्या तू आता बाहेर ये तुला जिवेच मारून टाकतो असे म्हणाले. मी तो घरी नसल्याचे सांगितले. तर त्यांनी घरात घुसून लाठ्याकाठ्या, गज आणि विटांच्या सहाय्याने आम्हाला मारहाण केली. आम्हाला जातीवाचक शिवीगाळ केला. माझ्या बायको आणि सुनेला पाईपच्या सहाय्याने मारहाण करण्यात आली.'

Beed Crime: तू बाहेर ये तुला मारून टाकतो..., घरात घुसून शिवीगाळ अन् अमानुष मारहाण, वकिलाने महिलांनाही सोडलं नाही
Pune Crime : 'बहिणींची काळजी वाटते, आई-वडिलांचा आदर'; पिंपरी-चिंचवडमध्ये तरुणाने संपवलं आयुष्य, बनवला हृदयद्रावक व्हिडिओ

पीडित महिलांनी सांगितले की, 'आम्ही नेहमीप्रमाणे घरी होतो, तेव्हा अचानक काही लोक घरात घुसले आणि मारहाण सुरू केली. जातीवाचक अपशब्द वापरून आमचा अपमान केला गेला. आम्हाला जीवे मारण्याची धमकी देण्यात आली.' मारहाणीत जखमी झालेल्या सर्वांवर सरकारी रुग्णालयात उपचार करण्यात आले. एका महिलेच्या डोक्याला गंभीर दुखापत झाल्यामुळे पुढील उपचारासाठी तिला बीडला हलवण्यात आले. या हल्ल्यानंतर सर्व आरोपी फरार झाले. पोलिस या सर्व आरोपींचा शोध घेत आहेत. या घटनेमुळे गावात तणावाचे वातावरण आहे. गावात पोलिसांचा कडक बंदोबस्त तैनात करण्यात आला आहे. आरोपींविरोधात कठोर कारवाई करण्यात यावी अशी मागणी केली जात आहे.

Beed Crime: तू बाहेर ये तुला मारून टाकतो..., घरात घुसून शिवीगाळ अन् अमानुष मारहाण, वकिलाने महिलांनाही सोडलं नाही
Ulhasnagar Crime : नशा करण्यासठी पैशांची चणचण भासू लागली; चोरट्याकडून थेट मंदिरातील महादेवाचा नाग चोरण्याचा प्रयत्न, VIDEO

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com