Beed Crime : चोरांचं संतापजनक कृत्य, महिलेच्या कानातले ओरबाडले, झटका बसल्यानं कान फाटला; बीडमध्ये खळबळ

Beed Crime News : बीड बसस्थानकात रात्रीच्या सुमारास चोरट्यांकडून एका वृद्ध महिलेच्या कानातील सोने हिसकावून घेताना चक्क कानाचा खालच भाग फाटल्याने महिला जखमी झाली आहे. नागाबाई मंजुळे (वय ६०) असं महिलेचं नाव आहे.
Beed crime news
Beed crime newsSaam Tv News
Published On

योगेश काशिद, साम टिव्ही

बीड : बीडमधील मस्साजोग गावचे सरपंच संतोष देशमुख यांची निर्घृण हत्या आणि सततच्या गुन्हेगारी घटनांमुळे बदनाम झालेल्या बीड जिल्ह्यातून आणखी एक भयंकर घटना समोर आली आहे. बीड बसस्थानकात रात्रीच्या सुमारास चोरट्यांकडून एका वृद्ध महिलेच्या कानातील सोने हिसकावून घेताना चक्क कानाचा खालच भाग फाटल्याने महिला जखमी झाली आहे. नागाबाई मंजुळे (वय ६०) असं महिलेचं नाव आहे. चोरी, लुटमार आणि पाकीटमारीचे प्रकार वाढल्यामुळे बस स्थानकातील प्रवाशांच्या सुरक्षेचा प्रश्न ऐरणीवर आला आहे. दोन दिवसांपूर्वी बसस्थानकात एकाच दिवशी दोन वृद्धांचे सोने लुटल्याचा प्रकार घडला होता. आता नव्याने हा प्रकार उघडकीस आल्यानं पोलिसांच्या कार्यक्षमतेवर प्रश्नचिन्ह उपस्थित करत प्रवाशांनी संताप व्यक्त केला.

या घटनेमुळे चोरटे आणि पोलीस यांच्यात मिलीभगत असल्याची चर्चाही नागरिकांमध्ये रंगली आहे. काल शुक्रवारी रात्री नऊ वाजता ही घटना घडली. नागाबाई मंजुळे या बसने मेहकरहून लातूरला निघाल्या होत्या. त्या बीडच्या बसस्थानकात नैसर्गिक विधीसाठी उतरल्या होत्या. स्वच्छतागृहाकडे जात असताना चोरट्यांनी त्यांच्या कानातले ओरबाडून पळवले. या घटनेवेळी चोरट्यांनी नागाबाई मंजुळे यांच्या कानातील सोन्याचे झुंबर जोरदार झटका देऊन पळवले. या जोरदार झटक्यामुळे नागाबाई मंजुळे यांच्या कानाचा खालचा भाग फाटला आणि रक्तस्राव होऊ लागला. अचानक घडलेल्या या घटनेमुळं नागाबाई मंजुळे यांना मोठा मानसिक धक्का बसला. आजुबाजूचे नागरिक त्यांची विचारपूस करत होते. मात्र, भांबावून गेलेल्या नागाबाई मंजुळे यांना उत्तरही देता येत नव्हतं. या घटनेमुळे बसस्थानकावरील नागरिक देखील घाबरले होते.

Beed crime news
Solapur Crime : धक्कादायक! चक्क न्यायाधीशांच्याच घरावर चोरट्यांचा डल्ला, २० तोळे सोन्यासह लाखोंचा ऐवज लंपास; बार्शीत खळबळ

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com