Solapur Crime : धक्कादायक! चक्क न्यायाधीशांच्याच घरावर चोरट्यांचा डल्ला, २० तोळे सोन्यासह लाखोंचा ऐवज लंपास; बार्शीत खळबळ

Solapur Crime News : सोलापूर जिल्ह्यातील बार्शी तालुक्यातील पाथरी गावात धाडसी चोरीची घटना घडली असून चक्क न्यायाधीशांच्या घरीच चोरट्याने डल्ला मारला आहे.
 Solapur News
Solapur NewsSaam Tv News
Published On

विश्वभूषण लिमये, साम टिव्ही

सोलापूर : सोलापूर जिल्ह्यातील बार्शी तालुक्यातील पाथरी गावात धाडसी चोरीची घटना घडली असून चक्क न्यायाधीशांच्या घरीच चोरट्याने डल्ला मारला आहे. मध्यरात्री १.३० वाजेच्या सुमारास चोरट्यांनी घराच्या किचनच्या दरवाजाचं कुलूप तोडून घरातील ज्वारीच्या कोट्यातून जवळपास २० तोळे सोनं आणि ५ हजार रुपयांची रोकड लंपास केली आहे. या प्रकरणी अज्ञात चोरट्यांविरुद्ध बार्शी ग्रामीण पोलीस ठाण्यात गुन्हा दाखल करण्यात आला आहे. न्यायाधीश हे देवदर्शनासाठी कोल्हापूरला गेले असता ही घटना घडली आहे.

मिळालेल्या माहितीनुसार, पाथरी येथील दिनेश गायकवाड हे सध्या वाशिम तालुक्यातील रिसोड येथे न्यायदंडाधिकारी असून सुट्टीनिमित्ताने ते गावी आले होते. त्यातच, धार्मिक कार्यक्रमनिमित्ताने ते कोल्हापूरला दर्शनासाठी गेले असता, त्यांच्या घरात चोरीची घटना घडली. याबाबत, त्यांच्या आई पद्मिनी मुकुंद गायकवाड यांनी पोलिसांत फिर्याद दिली आहे. त्यानुसार, अज्ञात चोरट्यानं घरातील सोन्याचे दागिने अंदाजे किंमत १२ लाख २३ हजार रुपये आणि ५ हजार रोकड लंपास केल्याचं नमूद करण्यात आलं आहे.

 Solapur News
Chhagan Bhujabal: मोठी बातमी! छगन भुजबळांना धमकी, १ कोटींच्या खंडणीची मागणी

तक्रारीत काय म्हटलं आहे?

आमच्या घरी धार्मिक कार्यक्रम असल्यानं मुलगा, सुन आणि नातवंडे घरी पाथरी येथे आले होते. तसेच मुलगी रेश्मा तिच्या मुलांसह कार्यक्रमासाठी आली असून ती सध्या आमच्याकडेच राहण्यास आहे. धार्मिक कार्यक्रम झाल्यानंतर दिनांक १५ मे रोजी रोजी मुलगा, सुन आणि नातवंडे असं सर्वजण देवदर्शनासाठी कोल्हापूर येथे गेले आहेत. काल दिनांक १६ मे रोजी रात्री १० वाजता मी आणि मुलगी रेश्मा, नातवंडे असे जेवण करून घराच्या हॉलमध्ये झोपलो होतो. हॉल व किचन-बेडरूममध्ये रिकामा पोर्च असल्याने किचनला बाहेरून कुलूप लावून नेहमी झोपतो. काल देखील आम्ही जेवण झाल्यानंतर किचनला बाहेरून कुलूप लावून झोपलो होतो. आज रोजी सकाळी ६ वाजताच्या सुमारास मी झोपेतून उठून हॉलचा दरवाजा उघडण्याचा प्रयत्न केला असता बाहेरून कडी लावल्याचं दिसून आलं. त्यामुळे मी खिडकीतून बाहेर पाहिलं असता किचन रुमचे कुलूप लावलेलं नव्हतं व दरवाजा उघडा दिसला.

 Solapur News
Pune News: राज्यात एकाच दिवशी ३ तरूणांचा पाण्यात बुडून मृत्यू, खेड, पिंपरी-चिंचवड अन् मावळमध्ये हळहळ

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com