Crime News : मुख्याध्यापकाच्या बॅगेतील 90 हजार रुपये चाेरीस, स्टेट बॅंकेतच घडला प्रकार

- संजय सूर्यवंशी

Nanded Crime News : बँकेतून पैसे काढल्यानंतर चोरट्यांनी बॅगेतून 90 हजार रुपये पळवल्याची घटना नांदेड जिल्ह्यात घडली. या घटनेची नाेंद हिमायतनगर पाेलीसांत झाली आहे. पाेलीस संशयितांचा तपास करीत आहेत. (Maharashtra News)

या घटनेतील फिर्यादी साहेबराव देशमुख हे मुख्याध्यापक आहेत. ते हिमायतनगर मधील भारतीय स्टेट बँकेत पैसे काढण्यासाठी गेले होते. बँकेतून त्यांनी 90 हजार रुपये काढले. बॅगेमध्ये पैसे टाकून त्यांनी बॅग पाठीवर अडकवली.

त्यांच्यावर दोन चोरटे पाळत ठेऊन होते असे पाेलीसांना सीसीटीव्हीत आढळून आले आहे. पाेलीस म्हणाले साहेबराव देशमुख बँकेत असताना एक चोरटा पिशवी घेऊन त्यांच्या मागे खेटून चालू लागला. बॅगेची चेन काढून त्याने अलगद आपल्या पिशवीमध्ये पैसे काढून घेतले.

चोरी होताना थोडीही शंका देशमुख यांना आली नाही. पैसे गायब झाल्याचे लक्षात आल्यानंतर त्यांनी पोलीस ठाण्यात येऊन तक्रार दिली. सीसीटिव्ही फुटेज पाहिल्यानंतर चोरी नेमकी कशी झाले हे लक्षात आले आहे. सीसीटिव्ही फुटेज वरून चोरट्यांचा शोध घेत आहेत असेही पोलीसांनी साम टीव्हीशी बाेलताना नमूद केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान दिवाळीनिमित्त (Diwali Festival) बाजारपेठेत येताना नागरिकांनी सावधगिरी बाळगण्याचे आवाहन पोलीस निरीक्षक बी. डी. भुसनुर यांनी केले आहे.

Edited By : Siddharth Latkar