CTC आणि In-Hand सॅलरीमध्ये काय फरक आहे, जाणून घ्या

Know the difference between CTC and In-Hand Salary:

कोणत्याही नवीन कंपनीत नवीन नोकरीमध्ये मुलाखतीची प्रक्रिया पूर्ण झाल्यानंतर पगार निश्चित केला जातो. या अंतर्गत संबंधित कंपनीचे एचआर तुम्हाला सीटीसी आणि इन हॅन्ड सॅलरीची माहिती देतात. ज्यावरून तुमचा मासिक पगार ठरवला जातो. तुम्हाला तुमच्या सीटीसीबद्दल दरवर्षी माहिती दिली जाते. तसेच सीटीसी नेहमीच सॅलरीपेक्षा जास्त असतो. मात्र इन हॅन्ड सॅलरी कमी असते. हे असं का असतं? सीटीसी आणि इन हॅन्ड सॅलरीत काय फरक आहे? याचबद्दल आपण सविस्तर माहिती जाणून घेणार आहोत.

सीटीसी म्हणजे काय?

सीटीसी म्हणजे कॉस्ट टू कंपनी. म्हणजे कंपनी कामाच्या बदल्यात आपल्या कर्मचाऱ्यांवर खर्च करते ती किंमत. यामध्ये बेसिक सॅलरीसह एकूण वेतन, भविष्य निर्वाह निधी आणि ग्रॅज्युईटीसह कंपनीद्वारे देण्यात आलेल्या इतर सुविधांचा समावेश होतो. त्यानंतर एक सीटीसी तयार केला जातो. सीटीसी दरवर्षी ठेवलं जातं. ज्याला वार्षिक पॅकेज देखील म्हणतात. (साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सीटीसी अंतर्गत कर्मचाऱ्याला संपूर्ण रक्कम दिली जात नाही. उलट पीएफ आणि वैद्यकीय विम्यासह इतर गोष्टींसाठी सॅलरीतून एक रक्कम कापली जाते. अशा परिस्थितीत कर्मचाऱ्यांना मासिक आधारावर पूर्ण रक्कम दिली जात नाही.   (Latest Marathi News)

इन हॅन्ड सॅलरी म्हणजे काय?

इन हॅन्ड सॅलरी म्हणजे सर्व प्रकारच्या कपातीनंतर कंपनीकडून तुम्हाला मासिक दिली जाणारी रकम असते. ही रक्कम तुमच्या सीटीसी रकमेपेक्षा कमी असते. सर्व कपातीनंतर कंपनीकडून तुम्हाला मासिक एक निश्चित रक्कम दिली जाते.

सीटीसी आणि इन हॅन्ड सॅलरीत काय फरक असतो?

सीटीसी सॅलरी कंपनीने कर्मचाऱ्यावर खर्च केलेली संपूर्ण रक्कम असते. पीएफ, वैद्यकीय आणि इतर सुविधांची रक्कम सीटीसी पगारात समाविष्ट केली जाते. तर हे या सर्व कपटी केल्यानंतर जी रक्क्म कर्मचाऱ्यांना दिली जाते त्याला इन हॅन्ड सॅलरी म्हणतात.