Success Story: ४०वेळा फेल, १२ वर्षांच्या मेहनतीनंतर स्वप्न सत्यात उतरले; शेतकऱ्याचा लेक झाला सरकारी अधिकारी

स्पर्धा परीक्षा पास करण्यासाठी खूप मेहनत करावी लागते. केंद्रीय लोकसेवा आयोगासोबतच राज्य लोकसेवा आयोगाच्याही परीक्षा अवघड असतात. ही परीक्षा पास केल्यानंतर तुम्हाला तुमच्याच राज्यात ऑफिसर होण्याची संधी मिळते. मनोज पाल यांनीदेखील मध्य प्रदेश लोकसेवा आयोगाची परीक्षा पास केली. शेतकऱ्याच्या लेकाची अधिकारी पदासाठी वर्णी लागली आहे.

मनोज पाल हे ४० परीक्षांमध्ये अपयशी ठरले होते. नापास झाल्यानंतरही त्यांनी हिम्मत सोडली नाही. त्यांनी आपले प्रयत्न सुरु ठेवले. याच प्रयत्नाचे यश त्यांना मिळाले. मनोल पाल यांना ४० परीक्षांमध्ये अपयश मिळाले होते. परंतु तरीही त्यांनी हिम्मत सोडली नाही. त्यांनी आपले प्रयत्न सुरु ठेवले. १२ वर्षानंतर त्यांचे स्वप्न सत्यात उतरले आणि त्यांनी राज्य लोकसेवा आयोगाची परीक्षा पास केली.

मनोज पाल यांचे बालपण एका लहान गावात गेले. तिथे शिक्षणासाठी खूप कमी साधने होती. त्यांनी १२वीत फक्त ५० टक्के गुण प्राप्त केले होते. कुटुंबाची आर्थिक परिस्थिती फार चांगली नव्हती त्यामुळे सरकारी नोकरी करुन त्यांनी घराची जबाबदारी घेण्याचा निर्णय घेतला.

एमपीपीएससी परीक्षेची तयारी करण्यासोबतच त्यांनी इतर परीक्षांसाठीही परीक्षा दिली आहे. त्यांनी सलग ६ वेळा एमपीपीएससी परीक्षा दिली होती. त्यांना ४० परिक्षांमध्ये अपयश मिळाले होते. परंतु त्यांनी हार मानली नाही.

आर्थिक परिस्थिती फार बरी नव्हती. त्यांनी त्यांनी अभ्यास करता करता मुलांना शिकवण्यास सुरुवात केली. त्याच्यासोबतच कंटेट रायटिंगदेखील सुरु केली.याचा त्यांनाच फायदा झाला. जवळपास १२ वर्षानंतर त्यांनी एमपीपीएससी परीक्षा पास केली. दिवसरात्र एक करुन त्याने हे यश मिळवलं आहे. शेतकऱ्याच्या लेकाने मिळवलेले हे यश सर्वांसाठीच प्रेरणादायी आहे.