Success Story: आर्थिक परिस्थिती बेताची, वडील सायकलचे पंक्चर काढायचे काम करायचे; लेकाने क्रॅक केली UPSC

यूपीएससी ही देशातील सर्वात अवघड परीक्षा आहे. यूपीएससी परीक्षा (UPSC) देऊन अनेकांचे सरकारी अधिकारी होण्याचे स्वप्न असते. दोन दिवसांपूर्वी यूपीएससी (UPSC) परीक्षेचा निकाल जाहीर झाला. यूपीएससी परीक्षेत देशातील हजारो विद्यार्थ्यांनी यश मिळवले आहे. यामध्ये उत्तर प्रदेशमधील इकबाल अहमद यांना यश मिळालं आहे. त्यांनी यूपीएससी २०२४ मध्ये ९९८ रँक प्राप्त केली आहे.

इकबाल अहमद हे मूळचे संत कबीर जिल्ह्यातील कस्बा येथील रहिवासी. त्यांना हा प्रवास खूप खडतर होता. त्यांचे वडिल सायकलचे पंक्चर काढण्याचे काम करायचे. यातून ते कुटुंबाचा उदरनिर्वाह करायचे. खूप संघर्षात त्यांचे बालपण गेले. तरीही त्यांनी हार मानली नाही. त्यांना यश मिळाले.

आर्थिक परिस्थिती बेताची

इकबाल अहमद यांचा हा प्रवास खूप खडतर होता. त्यांना तीन लहान भाऊ आणि एक बहीण आहे. त्यांचे वडील गावात चौकात सायकलचे पंक्चर काढण्याचे काम करायचे. त्यांनी आपल्या मोठ्या मुलासोबत घराचा खर्च उचलण्याचा निर्णय घेतला.

इकबाल अहमद यांनी इंटर कॉलेजमधून इंटरमीडिएट पूर्ण केले. त्यानंतर गोरखपूरमधून ग्रॅज्युएशन केले. त्यानंतर ते दिल्लीला गेले. त्यांनी यूपीएससी परीक्षेची तयारी केली. दिल्लीत अभ्यास करता करता श्रम विभागात नोकरीदेखील मिळवली.त्यांचे देशसेवा करण्याचे स्वप्न होते.

श्रम विभागात नोकरी करत असताना त्यांनी यूपीएससी परीक्षेची तयारी सुरु ठेवली. त्यांनी यूपीएससी परीक्षेत यश मिळवून आपले स्वप्न पूर्ण केलेय

इकबाल अहमद यांचा हा प्रवास सर्वांसाठीच प्रेरणादायी आहे. त्यांनी खूप खडतर परिस्थितीतून जीवन काढले आहे. त्यांनी रोज दिवसरात्र अभ्यास केला. यूपीएससी परीक्षेच्या तयारीसाठी ते दिल्लीलादेखील गेले होते. त्यानंतर त्यांनी आपल्याला स्वप्नांना पाठलाग केला. नोकरी करता करता त्यांनी यूपीएससी परीक्षा क्रॅक केली.