Success Story: २ रुपयांनी सुरुवात; आता BMWमधून प्रवास; 'करोडपती चाटवाला' नेमका आहे तरी कोण? वाचा सक्सेस स्टोरी

Viral Crorepati Chaatwala Mukesh Sharma Success Story: एकेकाळी दोन रुपयांपासून सुरुवात केली, आज चक्क बीएमडब्ल्यूमधून सफर, दिल्लीच्या या करोडपती भेळवाल्याची कहाणी तुम्हालाही प्रेरित करेल.
crorepati Chaatwala
crorepati Chaatwalagoogle
Published On

भारतात स्ट्रीट फूड म्हटंल की, पाणी पुरी, शेवपुरी आणि भेळ ही नाव सगळ्यांच्याच तोंडी येतं. चटपटीत स्ट्रीट फूडची चव सगळ्यांनाच आवडते. पाणी पुरी असो की भेळ पुरी की शेव पुरी याची किंमत सहसा १०० रुपयांपेक्षा कमी असते. परंतु तुम्ही कधी अशा भेळवाल्याबद्दल ऐकले आहे का, जो भेळ विकून चक्क कोटींमध्ये कमाई करतो. ही व्यक्ती अजून कोणी नसून मुकेश शर्मा आहेत. मुकेश शर्मा दिल्लीच्या नेहरू प्लेस आणि टेक मार्केटच्या गर्दीत, एक छोटासा भेळचा स्टॉल चालवतात. मुकेश शर्मा यांना लोक करोडपती चाटवाला म्हणून देखील ओळखतात.

एक स्वप्न, एक कार अन् मेहनतीले बनला 'करोडपती चाटवाला'

मुकेश शर्मा यांनी १९८९ मध्ये आपला प्रवास सुरू केला. त्यांच्याकडे मोठे दुकान नव्हते, फक्त एक टेबल, एक कार आणि एक स्वप्न होते ते म्हणजे लोकांना चविष्ट चाट खाऊ घालणे. त्यांनी त्यांच्या कुटुंबाच्या जुन्या रेसिपीचा वापर करून दही भल्ले बनवायला सुरुवात केली. त्यावेळी एका प्लेटची किंमत फक्त २ रुपये होती. आज तीच प्लेट ४० रुपयांना विकली जाते. त्यांचा हा चाट स्टॉल दिल्लीतील सर्वात प्रसिद्ध फूड स्टॉलमध्ये गणला जातो.

crorepati Chaatwala
चॉकलेटच्या किमतीत यायचं एक तोळा सोनं, ६४ वर्षांपूर्वीचं बिल पाहून तुम्हीही म्हणाल...

चवीचे रहस्य आणि प्रेरणादायी प्रवास

मुकेश शर्मा हे आपल्या दही भल्ल्यासाठी लागणारे दही स्वतः च घरी बनवतात. जेणेकरुन त्याची चव एकदम क्रिमी आणि ताजे राहते. याशिवाय, त्यांनी बनवलेले प्रत्येक स्पेशल मसाले त्यांच्या भेळला चविष्ट बनवतात. त्यांच्या मेहनतीमुळे आणि चवीबद्दलच्या आवडीमुळे ते सामान्य भेळवाल्यांपेक्षा वेगळ्या स्तरावर पोहोचले. इतर भेळवाल्यांप्रमाणे, शर्माजींनी कधीही स्वतःचे कायमचे दुकान बनवले नाही. ते दररोज त्यांच्या कारमध्ये तर चक्क कधीकधी बीएमडब्ल्यूमधून स्टॉलसाठी लागणारे सर्व साहित्य आणतात आणि रस्त्याच्या कडेला स्टॉल लावतात. दररोज हजारो लोकांना ते भेळ खाऊ घालतात. लोक त्यांच्या दही भल्लाची चव चाखण्यासाठी लांबून येतात. त्यांच्या स्टॉलवर दही भल्ले खाण्यासाठी नेहमीच लोकांची गर्दी असते.

सोशल मीडियावर झाले व्हायरल इंटरनेट सेन्सेशन

मुकेश शर्माजींचा साधेपणा, स्वच्छता आणि चविष्ट भेळमुळे ते सोशल मीडियावरही प्रसिद्ध झाले. अनेक यूट्यूब चॅनेल आणि इंस्टाग्राम पेजवर त्यांचे व्हिडिओ तूफान व्हायरल झाले. एक साधा भेळवाला कठोर परिश्रमाने कसे कोटी कमवू शकतो आणि आयुष्यात पुढे जाऊ शकतो. हे त्यांनी जगाला दाखवून दिले. लोक त्यांच्या या मेहनत आणि स्वप्न पूर्ण करण्याच्या कहाणीकडे प्रेरणा म्हणून पाहतात. आता, मुकेश शर्माजींच्या स्टॉलवर केवळ दही भल्लेच नाही तर पाणी पुरी, समोसे आणि इतर अनेक स्ट्रीट फूड देखील मिळतात. येथे येणाऱ्या प्रत्येक ग्राहकाला प्रत्येक प्लेटमध्ये चवीसोबतच एक हास्यही मिळेत जे लोकांना पुन्हा पुन्हा तिथे येण्यासाठी आकर्षित करते.

crorepati Chaatwala
Success Story: प्रेमात धोका, क्रॅक केली UPSC; नंतर स्वप्न पूर्ण करण्यासाठी दिला राजीनामा; केली बॉलिवूडमध्ये एन्ट्री

Related Stories

No stories found.
Marathi News | Saam TV
saamtv.esakal.com