SEBI: सेबीची मोठी कारवाई! ८ कंपन्यांच्या १६ मालमत्तांचा होणार लिलाव; नेमकं काय आहे प्रकरण?

SEBI Auction 16 Properties Of 8 Companies:

सिक्‍युरिटीज अँड एक्‍स्चेंज बोर्ड ऑफ इंडिया (SEBI) काही कंपन्यावर कारवाई करण्यास सुरूवात केली आहे. ३० जानेवारीला सेबी विबग्योर ग्रुप ऑफ कंपनीज, पेलॉन ग्रुप ऑफ कंपनीजसह ८ कंपन्यांच्या मालमत्तेचा लिलाव करणार आहे. (Latest News)

गुंतवणूकदारांकडून बेकायदेशीरपणे गोळा केलेले पैसे वसूल करण्यासाठी सेबीने हा मोठा निर्णय घेतला आहे. सेबी कोलकाता वेअर इंडस्ट्रीज, टॉवर इन्फोटेक ग्रुप, जीबीसी इंडस्ट्रीयल कॉर्पोरेशन ग्रुप, टीचर्स वेल्फेअर क्रेडिट अँड होल्डिंग ग्रुप, हॅनिमन हर्बल ग्रुप आणि अॅनेक्स इन्फ्रास्ट्रक्चर इंडिय लि. या कंपन्यांच्या मालमत्तेचा लिलाव होणार आहे.

कोलकत्ता उच्च न्यायालयाने ही कारवाई करण्याचे आदेश दिले आहे. आदेशानुसार, सेबीने कंपन्यांच्या मालमत्तेच्या विक्रीची प्रक्रिया सुरू केली आहे. सेबीने दिलेल्या माहितीनुसार, कंपन्यांच्या संपत्तीचे लिक्विडेशन आणि गुंतवणूकदारांना पेमेंट करण्यासाठी एक सदस्यीय समिती नियुक्त करण्यात आली आहे. गुंतवणूकदारांचे पैसे वसूल करण्यासाठी सेबीने हे पाऊल उचलले आहे.

कोणत्या मालमत्तेचा लिलाव होणार?

सेबीच्या नोटीसनुसार, मालमत्तेमध्ये पश्चिम बंगालमधील जमीन, अपार्टमेंटचा समावेश आहे. या प्रॉपर्टीचा लिलाव ४७.७५ कोटी रुपयांच्या किंमतीती होणार आहे. ३० जानेवारीला ११ ते १ कालावधीत ऑनलाइन लिलाव होणार असल्याचे सेबीने सांगितले आहे. यामध्ये ८ कंपन्यांच्या जवळपास १६ मालमत्तांचा लिलाव करण्यात येणार आहे. सेबीच्या म्हणण्यानुसार, या कंपन्यांनी नियमांचे पालन न करता गुंतवणूकदारांकडून पैसे गोळा केले होते. त्यामुळे ही कारवाई करण्यात येणार असल्याचे सांगण्यात आले आहे.