Post Office Scheme: पोस्ट ऑफिसची भन्नाट योजना! फक्त ₹5 लाख गुंतवा अन् कमवा ₹10 लाखांहून जास्त व्याज

प्रत्येकालाच भविष्यासाठी काही पैसे जमा करायचे असतात. त्यामुळे पगारातला काही भाग लोक गुंतवतात. पण त्यासाठी योग्य जागा असावी लागते जिथे तुम्हाला गुंतवणूकीतून जास्त परतावा मिळू शकतो. तर पोस्टाची पुढील योजना तुमच्यासाठी खास ठरू शकते. कारण यामध्ये तुम्हाला ५ वर्षात जबरदस्त परतावा मिळू शकतो.

खात्रीशीर परतावा आणि सुरक्षित गुंतवणूक शोधणाऱ्या गुंतवणूकदारांसाठी पोस्ट ऑफिसच्या बचत योजना नेहमीच उपयोगी ठरल्या आहेत. बँक एफडीप्रमाणेच पोस्ट ऑफिस टाइम डिपॉझिट (TD) योजना देखील गुंतवणूकदारांना हमखास परतावा देते. यामध्ये दीर्घकालीन गुंतवणूक करणाऱ्यांसाठी ही योजना मोठी संपत्ती निर्माण करण्याची संधी देऊ शकते.

सध्या पोस्ट ऑफिसच्या ५ वर्षांच्या टाइम डिपॉझिटवर वार्षिक ७.५ टक्के व्याजदर दिला जात आहे. या योजनेत गुंतवलेली रक्कम मुदतपूर्तीनंतर पुन्हा वाढवून ठेवण्याची सुविधा उपलब्ध आहे. याच सुविधेचा योग्य वापर केल्याने गुंतवणूकदारांना मूळ रकमेपेक्षा दुप्पटपेक्षा जास्त व्याज मिळू शकतं.

समजा, तुम्ही ५ लाख रुपये ५ वर्षांच्या पोस्ट ऑफिस एफडीमध्ये गुंतवले तर ७.५ टक्के व्याजदरानुसार त्याला पहिल्या पाच वर्षांत २.२५ लाख रुपयांचे व्याज मिळेल. त्यामुळे मॅच्युरिटीच्या वेळेस एकूण रक्कम सुमारे ७.२५ लाख रुपये होईल. त्यानंतर हीच ठेव आणखी ५ वर्षांसाठी वाढवल्यावर १० वर्षांच्या कालावधीनंतर एकूण रक्कम १०.५१ लाख रुपयांपर्यंत पोहोचू शकते.

योजनेचा लाभ जास्त वाढवण्यासाठी ठेव तिसऱ्यांदा म्हणजेच आणखी ५ वर्षांसाठी वाढवली तर १५ वर्षांनंतर गुंतवणूकदाराला एकूण १५.२४ लाख रुपये मिळू शकतात. यामध्ये फक्त व्याजातूनच १० लाख रुपयांपेक्षा जास्त कमाई होते. म्हणजेच ५ लाख रुपयांची गुंतवणूक तब्बल तिप्पट होण्याची शक्यता निर्माण होते.

पोस्ट ऑफिसच्या नियमानुसार ३ आणि ५ वर्षांच्या टाइम डिपॉझिटला मुदतपूर्तीनंतर १८ महिन्यांच्या आत मुदतवाढ देता येते. तसेच खाते उघडतानाच मुदतवाढीची विनंती नोंदवण्याची सुविधाही उपलब्ध आहे. सध्या १ वर्षांच्या एफडीवर ६.९० टक्के, २ वर्षांवर ७.०० टक्के, ३ वर्षांवर ७.१० टक्के आणि ५ वर्षांवर ७.५० टक्के वार्षिक व्याजदर दिला जात आहे. त्यामुळे दीर्घकालीन आणि सुरक्षित गुंतवणुकीसाठी पोस्ट ऑफिस टाइम डिपॉझिट हा बेस्ट ऑप्शन मानला जातो.