पंतप्रधान मोदींनी शेतकऱ्यांसाठी लाँच केल्या योजना
दलहन आत्मनिर्भरता मिशन
प्रधानमंत्री धन धान्य कृषी योजना
पंतप्रधान नरेंद्र मोदींनी आज शेतकऱ्यांना दिवाळीचं मोठं गिफ्ट दिलं आहे. मोदी सरकारने कृषी क्षेत्रासाठी दोन नवीन योजना लाँच केल्या आहेत. नरेंद्र मोदींनी ३५,४४० कोटी रुपयांच्या योजना राबवल्या आहेत. या दोन्ही योजनांमुळे शेतकऱ्यांना खूप फायदा होणार आहे. यामधील एक योजना म्हणजे दाल मिशन योजन आणि पीएम धन धान्य योजना.
पीएम मोदींनी आज कृषी, पशुपालन, मत्स्य पालन आणि अन्न प्रक्रिया क्षेत्रातील ५,४५० कोटी रुपयांच्या योजनादेखील लाँच केल्या आहे. याचसोबत ८१५ कोटींच्या इतर योजनांचीही पायाभरणी केली.
दलहन आत्मनिर्भरता मिशन
दलहन आत्मनिर्भरता मिशनसाठी ११,४४० कोटी रुपयांचा खर्च केला जाणार आहे. डाळींचे उत्पन्न वाढवण्यासाठी ही योजना सुरु केली आहे. सध्या डाळींचे उत्पन्न २५२.३८ टन आहे. हे उत्पन्न वाढवून ३५० टन करण्याचे उद्दिष्ट आहे.
प्रधानमंत्री धन धान्य कृषी योजना
पंतप्रधान मोदींनी आज पंतप्रधान धन धान्य कृषी योजनादेखील सुरु केली आहे. यामध्ये १०० जिल्ह्यांची निवड केली जाणार आहे. या जिल्ह्यांमधील शेतीची उत्पादकता वाढवण्यासाठी, पीक विविधीकरणाला प्रोत्साहन, सिंचन आणि साठवणूक सुधारण्यासाठी, या जिल्ह्यांमध्ये कर्जाची सहज उपलब्धता करुन देण्यासाठी ही योजना राबवली आहे. या दोन्ही योजनांना मंत्रिमंडळाची मान्यता आधीच मिळाली आहे.
पंतप्रधान नरेंद्र मोदींनी आज ४२ हजार कोटींच्या योजनांचे उद्घाटन केले आहे. यामध्ये अनेक योजना, प्रकल्पांचा समावेश आहे. यामध्ये बंगळुरु आणि जम्मू काश्मीरमधील कृत्रिम रेतन प्रशिक्षण केंद्रे, अमरेली आणि बनासमधील उत्कृष्टता केंद्रे, राष्ट्रीय गोकुळ मिशन अंतर्गत आसाममधील आयव्हीएफ प्रयोगशाळा अशा विविध प्रकल्पांचा समावेश आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.