PM Matritva Vandana Yojana: गरोदर महिलांना सरकार देतेय ६००० रुपये, PM Matritva Vandana Yojana योजना नक्की आहे तरी काय?
केंद्र सरकारने नागरिकांसाठी आतापर्यंत अनेक योजना राबवल्या आहेत. यातील काही योजना या महिलांसाठी, ज्येष्ठ नागरिकांसाठी तर काही योजना लहान मुलांसाठी आहेत. केंद्र सरकारने गरोदर महिलांसाठीही योजना राबवली आहे. केंद्र सरकारच्या प्रधानमंत्री मातृत्व वंदना योजनेअंतर्गत महिलांना आर्थिक मदत मिळते.
प्रधानमंत्री नरेंद्र मोदींनी २०१७ मध्ये पीएम मातृत्व वंदना योजना सुरु केली होता. महिला व बाल विकास विभागाकडून ही योजना राबवण्यात आली आहे. या योजनेअंतर्गत महिलांना ६,००० रुपये मिळतात. आर्थिकदृष्ट्या कमजोर कुटुंबातील महिलांना ही मदत केली जाते. (PM Matritva Vandana Yojana)
प्रधानमंत्री मातृत्व योजनेअंतर्गत गरोदर महिलांच्या उत्तम आरोग्यासाठी आणि त्यांच्या मुलाच्या वाढीसाठी ही यजना राबवण्यात आली आहे. या योजनेत गर्भवती महिलांना ६००० रुपये दिले जातात.
पीएम मातृत्व योजनेअंतर्गत ३ टप्प्यांमध्ये पैसे दिले जातात. रजिस्ट्रेशन केल्यानंतर १५० दिवसात तुम्हाला १००० रुपये दिले जातात. त्यानंतर गर्भवती महिलांचे परिक्षण झाल्यानंतर २००० रुपये दिले जातात. यानंतर बाळाच्या जन्मानंतर तुम्हाला रजिस्ट्रेशन करावे लागते. त्यानंतर ६ महिन्याची लस दिल्यानंतर २००० रुपये दिले जातात. (PM Matritva Yojana)
पीएम मातृत्व वंदना योजनेच्या अटी
पीएम मातृत्व वंदन योजनेअंतर्गत गरोदर महिलांना आर्थिक सहाय्य दिले जाते.
या योजनेत लाभ घेणाऱ्या महिलेचे वय १९ किंवा त्यापेक्षा जास्त असावे.
या योजनेत महिलांनी अंगणवाडी केंद्रात जाऊन अर्ज करायचा आहे.
या योजनेत फक्त पहिल्या मुलाच्या जन्मासाठी पैसे दिले जाणार आहे.
या योजनेचा लाभ फक्त सरकारी हॉस्पिटलमध्ये दिला जात होता. मात्र, आता प्रायव्हेट हॉस्पिटलमध्येही या योजनेअंतर्गत तुम्हाला लाभ मिळेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.