Delete Photos Tips: अरर...! चुकून फोटो डिलीट झाला; टेंशन नको, 'या' सिक्रेट टिप्सने परत मिळवा

How To Recover Deleted Photos:

आजकाल प्रत्येक व्यक्तीच्या हातात स्मार्ट फोन आहे. या फोनचा वापर करत सर्वजण आपल्या आठवणी, आवडते क्षण मोबाईलमध्ये कैद करतात. अशात फोटो गॅलरी फुल झाल्याने आपण काही फोटोज् डिलीट करतो. अनेकदा आपल्याकडून चुकून महत्वाचे काही फोटो डिलीट होतात. (Latest Marathi News)

आवश्यक असलेले फोटो गॅलरीमधून डिलीट झाल्यावर काय करावे आणि काय नाही हे सुचत नाही. अनेक व्यक्ती अशावेळी फोटो परत न मिळवताच शांत राहतात. मात्र डिलीट झालेले फोटो परत मिळवणं शक्य आहे, हे तुम्हाला माहितीये का?

फोटो डिलीट झाला तरी तो पूर्णतः डिलीट झालेला नसतो. प्रत्येकाच्या फोन गॅलरीमध्ये एक हाईड बॉक्स असतो. यामध्ये देखील हा फोटो सेव होतो. तुम्ही फोनमधून डिलीट केलेले सर्व फोटो या बॉक्समध्ये 30 दिवस राहतात. फोटो गॅलरीच्या बॅकअप बॉक्समध्ये फोटो सेव्ह राहतात. याची मुदत 30 दिवसांचीच आहे. म्हणजे इथे तुम्हाला 30 दिवसांपर्यंतचे फोटोज् मिळतील.

डिलीट फोटोज् आणि व्हिडीओ असे मिळावा परत

1. सगळ्यात आधी तुमच्या फोनमधील गॅलरीमध्ये जा.

2. पुढे खालच्या साइडला तुम्हाला एक अल्बम दिसेल. त्यावर क्लिक करा.

3. अल्बममध्ये आल्यावर पुढे आणखी काही पर्याय दिसतील. त्यातील रीसेंट डिलीटवर क्लिक करा.

4. पुढे तुम्ही गेल्या 30 दिवसांमध्ये जे जे फोटो डिलीट केलेत ते तुम्हाला दिसतील. यातील तुम्हाला जे फोटो हवेत ते सिलेक्ट करा.

5. अशा पद्धतीने तुम्ही तुमचे डिलीट झालेले फोटो किंवा व्हिडीओ परत मिळवू शकता.

6. गुगल फोटोज् मध्ये हे फोटो 60 दिवस सेव्ह राहतात. तुम्ही येथून देखील फोटो परत मिळवू शकता.