केंद्रातील मोदी सरकारने घरगुती गॅस सिलिंडरच्या दरात २०० रुपयांची कपात करून सर्वसामान्यांना दिलासा दिला. आता गॅस सिलिंडर पाठोपाठ पेट्रोल-डिझेलच्या किंमतीतही कपात होईल, अशी अनेकांना आशा आहे. मात्र, इंधनाच्या किंमती कमी होणे दूरच आणखी वाढण्याची शक्यता वर्तवली जात आहे. कारण, आंतरराष्ट्रीय बाजारपेठेत कच्चा तेलाचे दर झपाट्याने वाढले आहेत. (Latest Marathi News)
सौदी अरेबिया आणि रशियाने कच्च्या तेलाचे उत्पादन कमी करण्याचा निर्णय घेतल्यानंतर कच्च्या तेलाचे दर प्रति बॅरल 90 डॉलरच्या पुढे गेले आहेत. याचा परिणाम इंधनाच्या किंमतीवर होण्याची दाट शक्यता आहे. दरम्यान, मंगळवारी दिवसभरात देखील कच्चा तेलाच्या किंमतीत मोठी वाढ झाली.
कच्चा तेलाचे दर वाढताच बुधवारी सकाळी भारतीय पेट्रोलियम कंपन्यांनी इंधनाचे नवीन दर जारी केले आहेत. तेल कंपन्यांनी जारी केलेल्या नवीन दरानुसार, आजही भारतात पेट्रोल-डिझेलच्या (Petrol-Diesel Price) दरात कुठलीही वाढ झालेली नाही. मुंबईसह महाराष्ट्रात पेट्रोल डिझेलचे दर स्थिर आहेत.
2022-23 या वर्षात कच्च्या तेलाची किंमत प्रति बॅरल 75 ते 80 डॉलरच्या आसपास होत्या. मात्र, असं असताना देखील सरकारी ऑईल कंपन्यांनी पेट्रोल आणि डिझेलच्या दरात कपात न करता नफा मिळवला. या कंपन्यांनी पेट्रोल-डिझेलचे दर कमी करून सर्वसामान्यांना दिलासा दिला नाही. अशा परिस्थितीत आता कच्च्या तेलाने प्रतिबॅरल 90 डॉलरचा टप्पा ओलांडला असताना पेट्रोल-डिझेलच्या किंमतीत कपात होईल का? अशी शक्यता वर्तवली जात आहे.
दिल्लीमध्ये पेट्रोलचे दर 96.72 रुपये आणि डिझेल 89.62 रुपये प्रति लिटर
मुंबईमध्ये पेट्रोलचे दर 106.31 रुपये आणि डिझेल 94.27 रुपये प्रति लिटर
कोलकातामध्ये पेट्रोल 106.03 रुपये आणि डिझेल 92.76 रुपये प्रति लिटर
चेन्नईमध्ये पेट्रोल 102.6 रुपये आणि डिझेल 94.24 रुपये प्रति लिटर दराने विकले जात आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.