Petrol-Diesel Price: आंतरराष्ट्रीय बाजारात कच्च्या तेलाच्या किमती घसरल्या, पेट्रोल, डिझेलचे दर काय? जाणून घ्या

Petrol-Diesel Price: आंतरराष्ट्रीय बाजारात कच्च्या तेलाच्या किमती प्रती बॅरल ८० डॉलरपर्यंत खाली आल्या आहेत. मात्र भारतीय बाजारात पेट्रोल आणि डिझेलच्या दरात कोणताही बदल झालेला नाही.

Petrol-Diesel PriceSaam Digital

आंतरराष्ट्रीय बाजारात कच्च्या तेलाच्या किमती पर बॅरल ८० डॉलरपर्यंत खाली आल्या आहेत. मात्र भारतीय बाजारात पेट्रोल आणि डिझेलच्या दरात कोणताही बदल झालेला नाही. दिल्ली, मुंबई, कोलकाता आणि चेन्नई या महानगरांंमधील दर जैसे थे आहेत. त्यामुळे पेट्रोल डिझेल चे दर कधी कमी होणार, असा प्रश्न सामान्यांना पडला आहे.

डब्ल्यूटीआय क्रूड आज सकाळी ७५.८९ डॉलर प्रती बॅरल होते. तर ब्रेंट क्रूड प्रति बॅरल ८० .६१ डॉलर आहे. दरम्यान भारतीय कंपन्यांनी नेहमीप्रमाणे आज पेट्रोल आणि डिझेलचे दर अपडेट केले मात्र त्यात कोणताही बदल दिसला नाही. दररोज सकाळी ६ वाजता पेट्रोल आणि डिझेलचे तर बदलतात आणि नवीन दर लागू केले जातात. पेट्रोल आणि डिझेलच्या किमतीत उत्पादन शुल्क, डीलर कमिशन, व्हॅट आणि इतर गोष्टी जोडल्यानंतर मूळ किमतीच्या दुप्पट होते. त्यामुळेच पेट्रोल आणि डिझेलच्या किमती वाढल्या आहेत. मात्र कच्च्या तेलाच्या किमतीत घट होऊनही दरात कोणताच बदल झालेला नाही.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)