New Labour Law: ३० लाखांचा CTC असेल तर इन हँड सॅलरी किती होणार? एप्रिलपासून किती कमी पगार येणार? वाचा सविस्तर

१ एप्रिल २०२६ पासून नवीन कामगार कायदा लागू झाला आहे. यामुळे थेट कर्मचाऱ्यांच्या पगारावर परिणाम होणार आहे. एप्रिल महिन्यात अनेक कर्मचाऱ्यांना कमी पगार येणार आहे. नवीन कामगार कायद्या वेतन रचनेत बदल झाला आहे. याचा थेट परिणाम तुमच्या इन हँड सॅलरीवर होणार आहे. सरकारने बेसिक सॅलरीबाबतचे नियम बदलले आहेत.

आता या नवीन नियमाअंतर्गत कर्मचाऱ्यांची बेसिक सॅलरी ही सीटीसीच्या ५० टक्के असणे गरजेचे आहे. अनेक कंपन्यांना याआधी कर्मचाऱ्यांची बेसिक स्रलरी कमी ठेवायचे. याउलट भत्ता, अलाउंसमध्ये जास्त पैसे द्यायचे. परंतु आता असं काहीही होणार नाही. आता ५० टक्के बेसिक सॅलरी असणे आवश्यक आहे. तुमची बेसिक सॅलरी जेवढी जास्त असेल तेवढे तुमचे ईपीएफओमध्ये जास्त पैसे जमा केले जाणार आहेत. यामुळे रिटायरमेंटनंतर मिळणार फंड जास्त असेल.

३० लाख CTC असेल तर किती पगार मिळणार?

जर तुमचा सीटीसी (CTC) ३० लाख असेल तर त्यांच्या पगारावर परिणाम होणार आहे. त्यांची बेसिक सॅलरी कमीत कमी १५ लाख असणे गरजेचे आहे. तुमची बेसिक सॅलरी ६९,४४४ रुपयांवरुन वाढून १,०४,१६७ रुपये होणार आहे. दरम्यान, स्पेशल अलाउंसमध्ये घट होणार आहे.

या नवीन कामगार कायद्यामुळे ईपीएफमधील कपात ८,३३३ रुपयांवरुन १२,५०० रुपये होणार आहे. तुम्ही पीएफ खात्यात जवळपास ४,१६७ हजार रुपये जास्त जमा करणार आहात. यामुळे तुमची इन हँड सॅलरी मात्र कमी होणार आहे. तुमची इन हँड सॅलरी १,९१,४६७ रुपयांवरुन १,८७,३०० रुपये होणार आहे. म्हणजेच तुम्हाला ४,१६७ हजार रुपये कमी मिळणार आहेत. १० लाखांच्या सीटीसीवर ही कपाक ८०० ते १२०० रुपयांपर्यंत होऊ शकते.

फायदा होणार की नुकसान?

नवीन कामगार कायद्यामुळे कर्मचाऱ्यांची इन हँड सॅलरी कमी होणार आहे. परंतु भविष्यासाठी हा नियम फायद्याचा ठरणार आहे. तुमचा पीएफ जास्त जमा झाला तर रिटायरमेंटचा फंड जास्त जमा होणार आहे.