भारतात सध्या इलेक्ट्रिक कारची प्रचंड क्रेझ आहे. दिवसेंदिवस इलेक्ट्रिक कारचे उत्पादन वाढत आहे. ग्राहकदेखीसल इलेक्ट्रिक कार जास्त प्रमाणात खरेदी करताना दिसत आहे. भारतात अनेक कंपन्यानी आपल्या इलेक्ट्रिक कार लाँच केल्या आहेत. यानंतर आता देशातील सर्वात लोकप्रिय कंपनी मर्सिडिजने आपली सर्वात स्वस्त इलेक्ट्रिक कार लाँच केली आहे. Merceses Benz EQA असं या कारचे नाव आहे.
आकर्षक लूक, पॉवरफुल बॅटरी पॅकने समृद्ध ही कार भारतात आता लाँच झाली आहे. या कारची सुरुवातीची किंमत ६६ लाख रुपये ठेवण्यात आली आहे.
Merceses Benz EQA कार भारतीय इलेक्ट्रिक वाहनांच्या लाइनअपमध्ये होती. भारतीय बाजारपेठेतील ही चौथी सर्वाधिक परवडणारी इलेक्ट्रिक कार आहे. कंपनीने या कारचे बुकिंग सुरु केले आहे. कारची डिलिव्हरी २०२५ पासून सुरु होणार आहे.
कंपनीने ही कार मागील वर्षी ऑगस्टमध्ये जागतिक बाजारपेठेत लाँच केली होती. या कारमध्ये क्रॉसओवर स्टायलिंग, मर्सिडिज सिग्नेचर ग्रिल आणि लाइट बार देण्यात आला आहे. या कारचा मागचा भाग EOB द्वारे प्रेरित असल्याचे दिसत आहे. कंपनीच्या या कारमध्ये १९ इंच अलॉय व्हील्स देण्यात आले आहे.
Merceses Benz EQA ही कार ७ रंगामध्ये येतो. कार पोलर व्हाइट, कॉसमॉस ब्लॅक, हाय टेक सिलव्हर, स्पेक्ट्रल ब्लू, पैटागोनिया रेड, मेटॅलिक, माउंटेन ग्रे मैग्नो हे कलर ऑप्शन देण्यात आले आहेत. Merceses Benz EQA कार अॅडव्हान्स फिचर्ससह बाजारात लाँच झाली आहे. या एसयूव्हीच्या डॅशबोर्डवर ब्लॅक लिट स्टार पॅटर्न देण्यात आला आहे.यामध्ये १०.२५ इंच टचस्क्रीन इन्फोटेनमेंट सिस्टीम उपलब्ध आहे.
Merceses Benz EQA कारमध्ये 70.5 kWh क्षमतेचा बॅटरी पॅक देण्यात आला आहे. हा बॅटरी पॅक समोरच्या मोटरला जोडण्यात आला आहे. ही इलेक्ट्रिक मोटर 190bhp पॉवर आणि 385 Nm टॉर्क जनरेट करते. या कारचा टॉप स्पीड १६० किमी/तास आहे.
ही इलेक्ट्रिक कार एका चार्जमध्ये ५६० किमी ड्रायव्हिंग रेंज देते. कारची बॅटरी 100kW क्षमतेच्या DC फास्ट चार्जिंगला सपोर्ट करते. या कारची बॅटरी केवळ ३५ मिनिटात ८० टक्के चार्जिंग करते, असा कंपनीचा दावा आहे.
या कारमध्ये टच कॅपेसिटिव्ह थ्रीप स्पोर स्टियरिंग व्हील, ड्युअल झोन क्लायमेट कंट्रोल, डिजेटल ड्रायव्हर डिस्प्ले, हेड अप डिस्प्ले यांसारखे फीचर्स देण्यात आले आहे. याचसोबत 360 डिग्री कॅमेरा, वॅट स्पीकर, डॉल्बी साउंट सिस्टिम, अॅडव्हान्स ड्रायव्हिंग असिसटन्स सिस्टिम देण्यात आला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.