ऑनलाइन महाराष्ट्र! कोल्हापूर सर्वात मोठा ऑनलाइन ग्राहक; लाखो व्यावसायिकांसोबत ग्राहक म्हणतात 'अ‍ॅमेझॉन' लय भारी

Amazon वर फेस्टिवल सेल २३ सप्टेंबरपासून सुरू होत आहे. या उत्सवी सेल दरम्यान, ग्राहकांना स्मार्टफोनपासून टीव्ही आणि इतर अनेक इलेक्ट्रॉनिक्स आणि घरगुती उपकरणांपर्यंत सर्व गोष्टींवर उत्तम सूट मिळणार आहे. ऑनलाइन खरेदीमध्ये देशातून महाराष्ट्र अव्वल आहे. विशेष म्हणजे महाराष्ट्रातील लाखो विक्रेते सुद्धा ऑनलाइनपद्धतीने बिझनेस करत आहेत.

महाराष्ट्र अॅमेझॉन बिझनेसचा सर्वात मोठा ग्राहक म्हणून उदयास आलाय. यात नवीन ग्राहक साइन-अपमध्ये 40% पेक्षा जास्त वार्षिक वाढ नोंदवली आहे, ज्यामध्ये कोल्हापूरमध्ये 71%, औरंगाबादमध्ये 65% वार्षिक वाढीसह टियर 2/3 शहरांमध्ये 60% वाढ झाली आहे. राज्यात बल्क ऑर्डरमध्ये 50% पेक्षा जास्त वाढ झाली आहे. महाराष्ट्राने टियर 2 आणि टियर 3 शहरात परिवर्तनाचे दर्शन घडवले आहे, ज्यामध्ये कोल्हापूर आणि औरंगाबादसारख्या नॉन-मेट्रो शहरांनी मेट्रोपेक्षा 1.9 पट वेगवान विक्री वाढ नोंदवली आहे.

अॅमेझॉन बिझनेसची वाढ 17 लाखांहून अधिक विक्रेत्यांच्या समृद्ध सेलर इकोसिस्टमद्वारे चालवली जाते, ज्यामध्ये राष्ट्रीय स्तरावर करोडपती विक्रेत्यांमध्ये 30% वार्षिक वाढ झाली आहे. महाराष्ट्रातून 1.9 लाख विक्रेत्यांचे योगदान आहे. यात घरगुती वस्तू, वैयक्तिक देखभाल, स्वयंपाकघरातील उपकरणे आणि इलेक्ट्रॉनिक्स या क्षेत्रांतील सर्वसमावेशक उत्पादनांची उपलब्धता करून देतात. राज्यात टियर 2 आणि टियर 3 करोडपती विक्रेत्यांमध्ये 100% वाढ नोंदवली गेल्याचा दावा , अॅमेझॉन बिझनेसचे डायरेक्टर मित्रंजन भदुरी यांनी केलाय.

दरम्यान, सणासुदीच्या हंगामासाठी, अॅमेझॉन बिझनेस 10,000+ वस्तूंसह इलेक्ट्रॉनिक्स, डेकोर, स्मॉल अप्लायन्सेस आणि गॉरमेट हॅम्पर्स यांचा समावेश असलेल्या क्युरेटेड कॉर्पोरेट गिफ्टिंग स्टोअरची ऑफर देत आहे, ज्यामध्ये व्यावसायिक ग्राहकांना सणासुदीच्या खरेदीवर 9,999 रुपयांपर्यंत कॅशबॅक मिळू शकतात.

ग्राहकांना 199 रुपयांपासून सुरू होणाऱ्या किंमतींसह विविध ब्रँडमधून निवड करण्याची संधी मिळेल. याशिवाय, अॅमेझॉन ग्रेट इंडियन फेस्टिव्हल दरम्यान ग्राहकांना सर्वात वेगवान गतीने वितरित केलेल्या आकर्षक डील्ससह स्मार्टफोन्स, इलेक्ट्रॉनिक्स, फॅशन, ब्युटी, होम एसेंशियल्स, ग्रोसरी आणि बरेच काही यावर उत्तम किंमतींवर मिळतील.