Lek Ladki Yojana: मुलींना मिळणार १ लाख रूपये, पात्रता काय? कोणती कागदपत्रे लागणार? बघा

केंद्र सरकारने नागरिकांसाठी अनेक योजना राबवल्या आहेत. केंद्र सरकारसोबतच विविध राज्य सरकारनेदेखील अनेक योजना राबवल्या आहे. महाराष्ट्र सरकारने महिलांसाठी लाडकी बहीण योजना राबवली आहेत. दरम्यान, त्याआधीही मुलींसाठी एक खास योजना राबवली होती. सरकारने मुलींसाठी लेक लाडकी योजना राबवली आहे.

लेक लाडकी योजनेअंतर्गत तुमची मुलगी १८ वर्षांची होईपर्यंत तिला आर्थिक मदत केली जाते. मुलींच्या जन्माचे प्रमाण वाढावे, मुलींना उच्चशिक्षण मिळावे आणि बालविवाह होऊ नये, या उद्देशाने ही योजना सुरु करण्यात आली आहे.

या योजनेअंतर्गत मुलीच्या जन्मापासून शिक्षणासाठी आर्थिक मदत केली जाते. मुलींना १८ वर्ष होईपर्यंत १ लाख रुपयांची मदत केली जाते. (Lek Ladki Yojana)

लेक लाडकी योजना

या योजनेअंतर्गत मुलींच्या जन्मावेळी ५००० रुपये दिले जातात. मुलगी पहिलीत गेल्यावर ६००० रुपये दिले जातात. मुलगी सहावीत गेल्यानंतर ७००० रुपये दिले जातात. त्यानंतर तुमची मुलगी कॉलेजला गेल्यावर ८००० रुपये दिले जातात. यानंतर तुमची मुलगी जेव्हा १८ वर्षांची होते तेव्हा ७५००० रुपये दिले जातात. त्यामुळे मुलींच्या जन्मापासून ते १८ वर्षांपर्यंत १,०१००० रुपये दिले जातात. (Lek Ladki Yojana Scheme For Girls)

योजनेची पात्रता (Lek Ladki Yojana Eligibility)

लेक लाडकी योजनेअंतर्गत महाराष्ट्रातील मुलींना लाभ मिळणार आहे. पिवळे व केशरी रेशन कार्ड असेल तर त्यांना या योजनेचा लाभ मिळणार आहे. २०२३ नंतर जन्मलेल्या मुलींना या योजनेअंतर्गत लाभ मिळणार आहे.