Diljit Dosanjh : 'कसे आहात पुणेकर...' दिलजीत दोसांझचा पुण्यात मराठमोळा ठसका; म्हणाला, मुलगी...

पंजाबी गायक दिलजीत दोसांझ (Diljit Dosanjh ) नेहमीच त्याच्या गाण्यासाठी ओळखला जातो. त्याच्या आवाजाचे चाहते दिवाने आहेत. त्याचे नेहमीच वेगवेगळ्या शहरांत कॉन्सर्ट होत राहतात. त्याच्या कॉन्सर्टसाठी चाहते खूप गर्दी करतात.

आता सध्या दिलजीत त्याच्या 'दिल-ल्यूमिनाटी टूर 2024' कॉन्सर्टमुळे चांगलाच चर्चेत आहे. सध्या सोशल मीडियावर दिलजीतच्या एका कॉन्सर्टचा व्हिडीओ खूप व्हायरल होत आहे. दिलजीतने आपल्या गाण्याचे वेड आता पुणेकरांनाही (Pune ) लावले आहे. दिलजीतचा पुण्यातील कोथरुडमध्ये दमदार कॉन्सर्ट पार पडला. या कॉन्सर्टला पुणेकरांनी जबरदस्त प्रतिसाद दिला. या कॉन्सर्टमध्ये दिलजीतने पुणेकरांशी संवाद (Diljit Dosanjh Talk In Marathi) साधला. त्याचा हा व्हिडीओ सोशल मीडियावर तुफान व्हायरल होत आहे.

दिलजीतच्या व्हायरल होणाऱ्या व्हिडीओमध्ये तो पुणेकरांशी मराठीत संवाद साधताना दिसत आहे. त्याने मराठीत संवाद साधून चाहत्यांचे मन जिंकले आहे. दिलजीत चाहत्यांना म्हणतो की," कसे आहात पुणेकर? दिलजीत दोसांझ आला रे आला... मुलगी शिकली प्रगती झाली" हे ऐकताच सर्वांकडून शिट्या आणि टाळ्याचा कडकडाट झाला. त्यांनी आपल्या बोलण्यातून 'मुलगी शिकली प्रगती झाली' हा मोठा संदेशही लोकांना दिला आहे.

दिलजीतच्या या व्हिडीओवर तुफान कमेंट्स आणि लाइक्स येत आहेत. चाहते त्याच्या या संवादाचे कौतुक करत आहेत. अलिकडेच दिलजीत दोसांझ 'अमर सिंग चमकिला' या चित्रपटातून प्रेक्षकांच्या भेटीला आला होता. या चित्रपटात त्याच्यासोबत अभिनेत्री परिणीत चोप्रा देखील होती.