LIC Scheme: एकदा गुंतवणूक करा अन् आयुष्यभर १२००० रुपयांची पेन्शन मिळवा; LIC ची जबरदस्त योजना

तुमचे भविष्य आर्थिकदृष्ट्या सुरक्षित राहावे, यासाठी प्रत्येकजण बचत करत असतात. जर तुम्हालाही भविष्य सुरक्षित करायचे असेल तर एलआयसीच्या या योजनेत गुंतवणूक करा. एलआयसी स्मार्ट पेन्शन प्लानमध्ये गुंतवणूक केली तर तुम्ही आयुष्यभर पेन्शन मिळवू शकतात. ही एक प्रिमियम योजना आहे. यात एका गुंतवणूकीवर तुम्ही आयुष्यभर परतावा मिळवू शकतात.

एलआयसी स्मार्ट पेन्शन योजनेत (LIC Smart Pension Scheme) सिंगल आणि जॉइंट अकाउंट उघडू शकतात. या योजनेत तुम्हाला आयुष्यभर पेन्शन मिळणार आहे.यामुळे सेवानिवृत्तीनंतर तुमचे आयुष्य सुरक्षित होणार आहे.

एलआयसी स्मार्ट पेन्शन प्लानसाठी तुम्ही ऑनलाइन आणि ऑफलाइन अशा दोन्ही पद्धतीने अर्ज करु शकतात. याशिवाय कॉमन सर्विस सेंटरवर जाऊनदेखील खरेदी करु शकतात.

एलआयसी स्मार्ट पेन्शन योजनेचा (Scheme) उद्देश असा आहे की, सेवानिवृत्तीनंतर सर्वांना रेग्युलर इन्कम मिळावा, या योजनेत तुम्हाला एकदाच पैसे भरायचे आहे. या योजनेत तुम्हाला कमीत कमी १ लाख रुपये गुंतवायचे आहे. पती-पत्नी जॉइंट अकाउंट उघडू शकतात.जास्तीत जास्त तुम्ही कितीही पैसे भरु शकतात. तुम्ही जमा केलेल्या रक्कमेवर सेवानिवृत्तीनंतर मिळणार पेन्शन अवलंबून असते.

एलआयसी स्मार्ट पेन्शन योजनेत तुम्ही लोनदेखील घेऊ शकतात. ही पॉलिसी सुरु केल्यानंतर ३ महिन्यात तुम्हाला लोन दिले जाते. या योजनेत १८ पेक्षा जास्त वयोगटातील उमेदवार अर्ज करु शकतात. जर कोणत्याही पॉलिसीधारकाचा मृत्यू झाला तर ही पेन्शनची रक्कम नॉमिनीला दिली जाते.

या योजनेत तुम्ही कमीत कमी १००० रुपयांची पेन्शन मिळवू शकतात. तुम्ही गुंतवलेल्या रक्कमेवर ही पेन्शन अवलंबून असते. यामध्ये महिन्याला १००० रुपये, तीन महिन्याला ३००० रुपये, सहा महिन्याला ६००० रुपये तर वर्षाला १२००० रुपयांची पेन्शन मिळणार आहे.