Ladki Bahin Yojana: लाडक्या बहि‍णींची अर्जप्रक्रिया पुन्हा सुरु होणार? आदिती तटकरेंनी स्पष्टच सांगितलं

लाडकी बहीण योजनेबाबत अनेक प्रश्न महिलांच्या मनात निर्माण झाले आहेत. लाडकी बहीण योजनेतून जवळपास ६८ लाख महिलांचा लाभ बंद केला आहे. या महिला निकषात बसत नाहीये. काही महिलांनी केवायसी केलेली नाही. केवायसीचा प्रश्न असतानाच आता नवीन आर्थिक वर्षात महिलांना पुन्हा एकदा अर्ज भरण्याची संधी मिळणार का असाही प्रश्न उपस्थित केला जात आहे.

लाडक्या बहि‍णींना पुन्हा अर्ज करता येणार? (Ladki Bahin Yojana Will Registration Restart)

लाडकी बहीण योजनेचे काही निकष आहेत. यामध्ये वयोमर्यादेची अट आहे. दरम्यान, जेव्हा लाडकी बहीण योजनेची नोंदणी सुरु झाली होती तेव्हा अनेक महिलांचे वय २१ पेक्षा कमी होते. त्यानंतर अनेक महिला वयोमर्यादेत बसल्या परंतु तोपर्यंत अर्ज करण्याची डेडलाइन संपली होती. त्यामुळे नव्याने वयोमर्यादेत असलेल्या महिलांना लाभ मिळत नाहीये. यामुळे आता पुन्हा नव्याने नोंदणी सुरु होणार का असा प्रश्न विचारला जात आहे.

आदिती तटकरे नेमकं काय म्हणाल्या?

आदिती तटकरेंनी केवायसीच्या नावाखाली होत असलेल्या फसवणुकीबाबत माहिती दिली आहे. कोणत्याही अमिषाला बळी पडू नका, असं आवाहन त्यांनी महिलांना केलं आहे. यानंतर मुख्यमंत्री माझी लाडकी बहीण योजनेसाठी नोंदणी प्रक्रिया बंद करण्यात आली असल्याचेही त्यांनी सांगितले आहे. याचाच अर्थ असा की, या योजनेत आता कोणीही अर्ज करु शकत नाही. अर्जप्रक्रिया बंद करण्यात आली आहे.

ईकेवायसीमध्ये जर काही त्रुटी असतील तर त्यामध्ये दुरुस्ती करण्यासाठी ३० एप्रिलपर्यंतची मुदत देण्यात आली आहे. या प्रक्रियेसाठी कोणत्याही मध्यस्थीची आवश्यकता नाहीये, अशी माहिती आदिती तटकरेंनी दिली.