Ladki Bahin Yojana: ४ लाख लाडक्या बहिणींनी दिले खोटे पत्ते; अंगणवाडी सेविका गेल्यावर घरेच नव्हती, धक्कादायक माहिती उघड

लाडकी बहीण योजनेच्या लाभार्थ्यांसाठी अत्यंत महत्त्वाची बातमी आहे.लाडकी बहीण योजनेअंतर्गत अनेक बोगस महिलांनी सरकारचे पैसे लाटले आहेत. लाडकी बहीण योजनेअंतर्गत अनेक महिलांनी निकषाबाहेर जाऊन योजनेचा लाभ घेतला आहे. आतापर्यंत या योजनेतून २६ लाख ३४ हजार महिलांचे अर्ज बाद करण्यात आले आहे. या महिलांची अंगणवाडी सेविकांद्वारे पडताळणी सुरु आहे. दरम्यान, या योजनेत अनेक महिलांनी बोगस पत्ते दिले आहेत.

४ लाख महिलांनी दिले खोटे पत्ते

अनेक लाडक्या बहि‍णींनी आपले खोटे पत्ते दिले आहे. जेव्हा अंगणवाडी सेविका पडताळणीसाठी महिलांच्या घरी गेल्या तेव्हा त्या ठिकाणी कोणीच नव्हते. त्या पत्त्यावर कोणतेही घर नव्हते. त्यामुळे अनेक महिलांनी तर आपल्या घराचाच पत्ता खोटा दिला आहे. राज्यातील जवळपास ४ लाखांपेक्षा जास्त महिला या त्यांनी दिलेल्या पत्त्यावर सापडल्याच नाहीत. त्यामुळे या महिलांनी चुकीची माहिती देऊन फसवणूक केली आहे. या महिलांचे अर्ज आता बद करण्यात आले आहे.

लाडकी बहीण योजनेअंतर्गत ४ लाख महिलांनी चुकीचे पत्ते दिले आहे. तर सोलापूर जिल्ह्यातील साडेदहा हजार महिलांनी चुकीचे पत्ते दिले आहेत. या ठिकाणी अंगणवाडी सेविकांनी भेट दिली तेव्हा त्या ठिकाणी महिला नव्हत्याच.

लाडकीसाठी महत्त्वाचा निर्णय

आता राज्यशासनाने लाडकी बहीण योजनेबाबत महत्त्वाचा निर्णय घेतला आहे. लाडकी बहीण योजनेत आता जर एकाच घरातील महिलांचे वेगवेगळे रेशन कार्ड असेल तर त्यांना योजनेचा लाभ मिळणार आहे. एका रेशन कार्डवर फक्त दोनच महिला लाभ घेऊ शकत होत्या. आता जर तुमचे रेशन कार्ड वेगळे असेल तर तुम्हाला योजनेचा लाभ मिळणार आहे.