Ladki Bahin Yojana: ऑगस्टच्या हप्त्याबाबत मोठी अपडेट, लाडकीच्या खात्यावर या दिवशी ₹1500 येणार

लाडकी बहीण योजनेच्या ऑगस्टच्या हप्त्याची कोट्यवधी महिला वाट पाहत आहेत. ऑगस्ट महिना संपला, सप्टेंबर महिना सुरुदेखील झाला. तरीही अद्याप लाडकीच्या खात्यात पैसे जमा झालेले नाहीत. त्यामुळे लाडक्या बहिणी चिंतेत होत्या. मात्र, आता त्यांना लवकरच पैसे देण्यात येणार आहे.

लाडकी बहीण योजनेच्या हप्त्यासाठी निधी वर्ग (Ladki Bahin Yojana August Month Installment)

लाडकी बहीण योजनेच्या ऑगस्टच्या हप्त्यासाठी निधी वर्ग करण्यात आला आहे. लाडकी बहीण योजनेच्या हप्त्यासाठी जवळपास ३४४ कोटी रुपयांचा निधी वर्ग करण्यात आला आहे. त्यानंतर आता हे पैसे महिलांच्या खात्यात ट्रान्सफर केले जाणार आहे. येत्या ३ ते ४ दिवसांत पैसे जमा केले जाण्याची शक्यता आहे. मंगळवारी हा निधी वर्ग करण्यात आला आहे. त्यानंतर पुढच्या काही दिवसांत महिलांच्या खात्यात पैसे जमा होण्यास सुरुवात होईल. याबाबत महिला व बालविकास मंत्री आदिती तटकरे स्वतः माहिती देतील. त्यानंतरच महिलांच्या खात्यात पैसे जमा केले जातील.

लाडकी बहीण योजनेच्या ऑगस्टच्या हप्त्यासाठी निधी वर्ग करण्यात आला आहे. दरम्यान, ऑगस्ट आणि सप्टेंबरचा हप्ता एकत्र येईल, असं सांगितलं जात होतं. मात्र, यावेळी फक्त ऑगस्टच्या हप्त्यासाठी निधी देण्यात आला आहे. त्यामुळे ऑगस्टचा हप्ता स्वतंत्रपणे दिला जाईल.

या महिलांना मिळणार नाही ऑगस्टचा हप्ता (These Women Will Not Get August Month Installment)

लाडकी बहीण योजनेसाठी सध्या २ कोटी ४८ लाभ महिला लाभार्थी आहेत. लाडकी बहीण योजनेतून लाखो महिलांचे अर्ज बाद करण्यात आले आहेत. या महिलांनी निकषांबाहेर जाऊन योजनेचा लाभ घेतला असल्याचे समोर आले आहेत. त्यामुळे या महिलांची पुन्हा पडताळणी करण्यात आली. यातून ज्या महिला अपात्र आहेत त्यांची नावे काढून टाकण्यात आली आहेत.