Ladki Bahin Yojana : लाडक्या बहि‍णींच्या पुनर्तपासणीचा श्रीगणेशा, आतापर्यंत काय काय झालं,अन् आता काय? वाचा सविस्तर माहिती

लाडकी बहीण योजनेत आता महिलांच्या अर्जांची पुन्हा पडताळणी सुरु केली आहे. आता लाडकी बहीण योजनेतून लाखो महिला अपात्र झाल्या आहेत. त्यांच्या अर्जांची आता पुन्हा पडताळणी केली जाणार आहे. एकूण २६ लाख ३४ हजार महिलांची पडताळणी होणार आहे. अंगणवाडी सेविका घरोघरी जाऊन महिलांच्या अर्जांची पडताळणी करणार आहे. याआधीही एकदा-दोनदा पडताळणी करण्यात आली होती. ही पडताळणी कशी केली होती ते जाणून घ्या.

लाडक्या बहि‍णींची पडताळणी (Ladki Bahin Yojana Verification process)

लाडकी बहीण योजनेची पडताळणी करताना सुरुवातीला चारचाकी वाहन असलेल्या महिलांची तपासणी करण्यात आली. परिवहन विभागाने यासंबंधितचा डेटा उपलब्ध करुन दिला. त्यावरुन अंगणवाडी सेविका घरोघरी जाऊन चारचाकी वाहन आहे की नाही, हे तपासत होत्या.

यानंतर इतर सरकारी योजनांचा लाभ घेत असलेल्या महिलांची यादी काढली. त्यांनाही योजनेचा लाभ मिळणे बंद झाले आहेत.यानंतर सरकारी कर्मचाऱ्यांची यादी समोर आली. त्यांना आता पैसे मिळणार आहे.

ही सर्व पडताळणी होत असताना बोगस पुरुषांनीही योजनेचा लाभ घेतला असल्याचे समोर आले. त्यांच्याकडून आता पैसे परत घेतले जाणार आहे. यासाठी प्रोसेस सुरु आहेत. यानंतर वयोगटात न बसणाऱ्या महिलांना योजनेतून बाहेर काढण्यात आले आहे. एका कुटुंबातील किती महिला लाभ घेतात यावरूनही पडताळणी केली गेली. एका कुटुंबातील फक्त २ महिलाच या योजनेचा लाभ घेऊ शकतात.

आता अजून २६ लाख महिला अपात्र असल्याचे समोर आले आहे. या महिलांच्या अर्जांची पडताळणी होईपर्यंत त्यांना पैसे मिळणार नाहीत. पडताळणी पूर्ण झाल्यानंतर ज्या महिला पात्र असतील त्यांच्या अकाउंटमध्ये पैसे जमा केले जातील.