Ladki Bahin Yojana: ₹३००० की ₹४५००, लाडकीच्या खात्यात किती रूपये येणार? महत्त्वाची अपडेट समोर

लाडकी बहीण योजनेच्या लाभार्थी महिला या नोव्हेंबरच्या- डिसेंबरच्या हप्त्याची वाट पाहत आहेत. आता नोव्हेंबर महिना संपून डिसेंबरदेखील संपत आला आहे. तरीही अजून लाडक्या बहि‍णींना पैसे मिळाले नाहीत. त्यामुळे महिलांच्या मनात अनेक प्रश्न निर्माण झाले आहेत. त्यात महिलांना नोव्हेंबर-डिसेंबरचा हप्ता एकत्र येणार असल्याचे सांगितले जात आहे. दरम्यान, आता त्यात जानेवारीचा हप्तादेखील मिळणार की नाही असा प्रश्न निर्माण झाला आहे.

लाडकीला ३००० की ४५०० रुपये मिळणार? (Ladki Bahin Yojana 3000 or 4500 Rupees women will get)

लाडकी बहीण योजनेच्या लाभार्थ्यांना नोव्हेंबर डिसेंबरचा हप्ता एकत्र येणार असल्याची माहिती समोर आली आहे. मात्र, अजूनही महिलांच्या खात्यात पैसे जमा झालेले नाहीत. त्यामुळे आता हप्ता लांबणीवर जाण्याची शक्यता आहे. दरम्यान, जर हप्ता पुढच्या महिन्यात दिला तर महिलांना ३ महिन्याचे हप्ते एकत्र दिले जाऊ शकतात. महिलांच्या खात्यत ४५०० रुपये जमा केले जातील. दरम्यान, याबाबत कोणतीही अधिकृत माहिती समोर आलेली नाही. मात्र, लवकरच घोषणा केली जाईल.

या दिवशी महिलांच्या खात्यात जमा होतील पैसे (Ladki Bahin Yojana Installment Come On These Date)

लाडकी बहीण योजनेत महिलांच्या खात्यात पुढच्या महिन्यात पैसे जमा केले जातील.लाडकी बहीण योजनेत १४ जानेवारीपूर्वी महिलांच्या खात्यात जप्ता जमा केला जाईल, असं सांगण्यात येत आहे. महिलांच्या खात्यात १४ जानेवारी मकरसंक्रांतीच्या दिवशी पैसे जमा केले जातील. दरम्यान ३००० की ४५०० रुपये जमा केले जातील, याबाबत अधिकृत माहिती समोर आलेली नाही. मात्र, महिलांना दोन महिन्याचे ३००० रुपये दिले जाणार आहेत.

केवायसी करण्यासाठी फक्त ५ दिवस (Ladki Bahin Yojana KYC Deadline)

लाडकी बहीण योजनेत महिलांना केवायसी करणे अनिवार्य आहे. केवायसी करण्यासाठी शेवटचे ५ दिवस उरले आहेत. त्याआधी सर्व महिलांनी केवायसी करायची आहे. जर केवायसी केली नाही तर तुम्हाला योजनेचा लाभ मिळणार नाहीये. अजूनही लाखो महिलांचे केवायसी बाकी आहे.