Ladki Bahin Yojana: ४० लाख लाडक्या बहिणी अपात्र होणार? ₹१५०० कायमचे बंद; तुमचं नाव तर नाही ना?

महाराष्ट्र सरकारने सुरु केलेल्या लाडकी बहीण योजनेला जवळपास दीड वर्ष पूर्ण झाले आहे. लाडकी बहीण योजनेत लाभार्थी महिलांना दर महिन्याला १५०० रुपये दिले जातात. आता लाडकी बहीण योजनेत दरवर्षी महिलांना केवायसी करावी लागणार आहे. लाडकी बहीण योजनेत सध्या केवायसी प्रक्रिया सुरु आहे. यासाठी ३१ डिसेंबरपर्यंतची मुदत दिली आहे. दरम्यान, आता केवायसी पूर्ण होण्याईआधीच ४० लाख महिलांचे अर्ज बाद होण्याची शक्यता आहे.

४० लाख महिलांना मिळणार नाही १५०० रुपये (40 Lakh Women May Not Get 1500 Rupees)

लाडकी बहीण योजनेच्या जवळपास अडीच कोटींच्या जवळपास लाभार्थी आहे. यापैकी आतापर्यंत १ कोटी ६० लाख महिलांनी केवायसी प्रक्रिया पूर्ण केली आहे. अजूनही ३० ते ४० लाख महिलांची केवायसी होणे बाकी आहे. या महिलांनी ३१ डिसेंबरपूर्वी केवायसी करायचे आहे. जर केवायसी केले नाही तर योजनेतून अपात्र केले जाईल, अशी माहिती महिला व बालविकास विभागातील अधिकाऱ्यांनी दिली आहे. त्यानुसार आता लाखो महिलांचे अर्ज बाद केले जाऊ शकतात.

लाडक्या बहि‍णींना ३१ डिसेंबरपर्यंत केवायसी करणे अनिवार्य केले आहे. सध्या २ कोटी ४७ लाख महिलांना योजनेचा लाभ मिळत आहे. या सर्व महिलांनी केवायसी करायचे आहे. अनेक महिला केवायसी करत आहेत परंतु त्यांना अनेक अडचणींचा सामना करावा लागत आहे. त्यामुळे केवायसी करण्यास उशिर होत असल्याची माहिती समोर आली आहे.