Ladki Bahin Yojana: लाडकीच्या खात्यावर ५ दिवसात नोव्हेंबरचा हप्ता येणार, संक्रातीआधी ₹४५०० मिळणार, महत्त्वाची अपडेट समोर

डिसेंबर महिना संपत आला तरीही अजून लाडकी बहीण योजनेच्या लाभार्थ्यांना नोव्हेंबरचाच हप्ता दिलेला नाही. त्यामुळे महिलांमध्ये नाराजीचे वातावरण आहे. दरम्यान, लाडकी बहीण योजनेत आता एकूण तीन हप्त्याचे पैसे एक येऊ शकतात, असं बोललं जात आहे. मकरसंक्रातीआधी महिलांच्या खात्यात तीन महिन्याचे हप्ता जमा केले जाणार आहेत, अशी माहिती समोर आली आहे.

नोव्हेंबरचा हप्ता पुढच्या आठवड्यात (Ladki Bahin Yojana November Installment Date)

लाडकी बहीण योजनेत नोव्हेंबरचा हप्ता पुढच्या आठवड्यात दिला जाणार आहे, अशी माहिती वरिष्ठ अधिकाऱ्यांनी दिली आहे. त्यामुळे महिलांना वर्षाअखेरीस खुशखबर मिळणार आहे. नोव्हेंबरचे १५०० रुपये महिलांच्या खात्यात जमा होणार आहेत.

संक्रांतीपूर्वी महिलांना मिळणार ४५०० रुपये (Ladki Bahin Yojana 4500 Rupees Come Before 14th January Makar Sankranti)

लाडकी बहीण योजनेत महिलांना संक्रांतीपूर्वी पैसे दिले जातील. लाडकी बहीण योजनेत महिलांना डिसेंबर आणि जानेवारीचा हप्ता एकत्र दिला जाण्याची शक्यता आहे. ३००० रुपये १४ जानेवारीला दिले जातील. यामुळे महिलांना पुढच्या महिन्यात डबल खुशखबर मिळू शकते.

लाडकी बहीण योजनेत अडीच कोटींपेक्षा जास्त महिलांनी अर्ज केले होते. त्यातील काही महिलांचे अर्ज बाद करण्यात आले. त्यानंतर पडताळणीतदेखील निकषांमध्ये न बसणाऱ्या महिलांना बाद केले गेले. त्यामुळे आता या अपात्र महिलांना पैसे दिले जाणार नाहीत.

ई केवायसीला मुदतवाढ मिळण्याची शक्यता (Ladki Bahin Yojana eKYC Deadline May Extended)

लाडकी बहीण योजनेत ईकेवायसी करणे अनिवार्य केले आहेत. यासाठी ३१ डिसेंबरपर्यंत मुदत देण्यात आली आहे. दरम्यान, या योजनेत केवायसी करण्याची मुदतवाढ दिली जाऊ शकते. अजूनही लाखो महिलांचे केवायसी बाकी आहे. त्यामुळे सरकार लाडक्या बहि‍णींसाठी दिलासादायक निर्णय घेऊ शकतात.