Ladki Bahin Yojana: एप्रिल महिना सुरु; तरी मार्चचा हप्ता मिळाला नाही; लाडक्या बहि‍णींना ₹१५०० कधी मिळणार?

लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेत महिलांना फेब्रुवारीपर्यंतचे हप्ते मिळाले आहेत. त्यानंतर मार्चचा हप्ता कधी येणार असा प्रश्न विचारला जात आहे. मार्च महिना संपला आता एप्रिलचा पहिला आठवडादेखील संपला तरीही महिलांच्या खात्यात पैसे जमा झालेले नाहीत. महिलांना पैसे न मिळाल्याने नाराजी व्यक्त केली जात आहे. दरम्यान, मार्चचा हप्ता कधी येणार असा प्रश्न विचारला जात आहे.

लाडक्या बहिणींना मार्चचा हप्ता कधी येणार? (Ladki Bahin Yojana March Installment Date)

मागच्या अनेक महिन्यांपासून लाडकी बहीण योजनेचे हप्ते लांबणीवर जात आहेत. पुढच्या महिन्याच्या शेवटच्या आठवड्यात पैसे दिले जात आहेत.त्यानंतर आतादेखील महिलांच्या खात्यात महिन्याच्या शेवटच्या आठवड्यात पैसे दिले जाण्याची शक्यता आहे. परंतु दर महिन्याला पैसे उशिरा येत असल्याने महिलांनी नाराजी व्यक्त केली आहे. अशातच आता मार्च आणि एप्रिलचा हप्ता एकत्र येण्याची शक्यतादेखील वर्तवली जात आहे.

मार्च एप्रिलचा हप्ता एकत्र येणार? (Ladki Bahin Yojana March-April Installment May Come Together)

लाडकी बहीण योजनेत एकीकडे मार्चचा हप्ता कधी येणार असा प्रश्न विचारला जात आहे. तर दुसरीकडे मार्च आणि एप्रिलचा हप्ता एकत्र येण्याची शक्यता वर्तवली जात आहे.मागच्या महिन्यातदेखील फेब्रुवारी-मार्चचा हप्ता एक येईल, असा अंदाज होता. मात्र, महिलांच्या खात्यात पैसे जमा झाले नाहीत. त्यामुळे आतादेखील मार्च- एप्रिलचा हप्ता एकत्र येणार की नाही याबाबत संभ्रम निर्माण झाला आहे.