Ladki Bahin Yojana: लाडक्या बहि‍णींसाठी महत्त्वाची बातमी! ₹६००० एकत्र पाहिजे असेल तर 'हे' काम आजच करा

लाडकी बहीण योजनेच्या लाभार्थ्यांसाठी महत्त्वाची बातमी आहे. सर्व लाभार्थी महिलांना ईकेवायसी करणे बंधनकारक केले आहे. आता फक्त ईकेवायसी केलेल्या महिलांनाच योजनेचा लाभ मिळणार आहे. याचसोबत अनेक महिलांनी केलेल्या ईकेवायसीमध्ये चुका झाल्या आहेत. त्यामुळे त्यांना आता पुन्हा एकदा दुरुस्ती करावी लागणार आहे.

लाडकी बहीण योजनेत ईकेवायसीमध्ये त्रुटी आढळलेल्या महिलांची अंगणवाडी सेविकांद्वारे पडताळणी सुरु आहे. महिलांची केवायसीमधील दुरुस्ती ही ऑनलाइन पद्धतीने होणार आहे. त्यामुळे त्या महिलांच्या केवायसीमध्ये चुका झाल्या आहेत त्यांनी ते दुरुस्त करायच्या आहेत.

फक्त या महिलांनाच मिळणार ६००० रुपये (Ladki Bahin Yojana These Women Will Get 6000 Rupees Installment)

लाडकी बहीण योजनेत ज्या महिलांनी केवायसी केली नाही किंवा केवायसीमध्ये त्रुटी आहेत त्यांचा लाभ बंद झाला आहे. या महिलांना डिसेंबरपासून पैसे मिळत नाहीयेत. त्यामुळे ही संपूर्ण प्रक्रिया पूर्ण झाल्यानंतर त्यांना ४ महिन्याचे पैसे एकत्र येण्याची शक्यता आहे. या महिलांना ६००० रुपये मिळणार आहे. त्यामुळे तुम्हीही आजच ऑनलाइन पद्धतीने केवायसीमधील त्रुटी दुरुस्त करा जेणेकरुन तुम्हालाही योजनेचा लाभ घेता येईल.

केवायसी करण्याची मुदत (Ladki Bahin Yojana eKYC Deadline)

ईकेवायसीमधील चुका दुरुस्त करण्यासाठी ३१ मार्चपर्यंत मुदत देण्यात आली आहे. जर तुम्ही तोपर्यंत केवायसी केली नाही तर तुमचा लाभ कायमचा बंद होणार आहे. त्यामुळे महिलांनी लवकरात लवकर केवायसी करायची आहे. याचसोबत केवायसी करताना सर्व प्रश्नांची बरोबर उत्तरे द्या. जेणेकरुन भविष्यात अडचण येणार नाही.