Ladki Bahin Yojana eKYC: लाडक्या बहिणींनो eKYC पूर्ण झाली की नाही? फक्त २ मिनिटांत चेक करा स्टेट्स

लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेत ईकेवायसी करण्यासाठी अवघे काही दिवस उरले आहेत. १८ नोव्हेंबरपर्यंत तुम्ही केवायसी करु शकतात. दरम्यान, आतापर्यंत लाखो महिलांनी ईकेवायसी केले आहेत. परंतु तुमचं केवायसी पूर्ण झालंय की नाही हे तुम्ही चेक करायला हवे. तुम्ही ऑनलाइन पद्धतीने ई केवायसी स्टेट्‍स चेक करु शकतात.

लाडकी बहीण योजना ई केवायसी स्टेट्‍स (Ladki Bahin Yojan eKYC Status)

लाडकी बहीण योजनेत ई केवायसी झाली की नाही हे तुम्ही ऑनलाइन पद्धतीने चेक करु शकतात. त्यासाठी तुम्हाला एक सोपी पद्धत वापरायची आहे.

सर्वात आधी तुम्हाला लाडकी बहीण योजनेच्या अधिकृत वेबसाइटवर जायचे आहे.

यानंतर तिथे ई केवायसी असा ऑप्शन दिसेल त्यावर क्लिक करा.

यानंतर केवायसीवर जाऊन तुम्हाला वेबसाइटवर आधार नंबर टाकायला सांगतील. तुम्ही आधार नंबर टाकायचा आहे.

यानंतर तुम्हाला कॅप्चा कोड टाकायचा आहे. तुमच्या आधारशी लिंक मोबाईल नंबरवर ओटीपी येईल. हा ओटीपी टाकावा.

यानंतर तुमचे जर केवायसी पूर्ण झाले असेल तर तुमचे केवायसी पूर्ण झाले आहे, असा मेसेज दिसेल. जर तुमचे केवायसी पूर्ण झाले नसेल तर पुढील प्रोसेस सुरु होईल.

यानंतर तुम्हाला तुमच्या पती किंवा वडिलांचे केवायसी पूर्ण करायचे आहे. यासाठी त्यांचा आधार नंबर आणि मोबाईल नंबर टाकायचा आहे.

ई केवायसीसाठी अवघे ३ दिवस उरले (Ladki Bahin Yojana KYC Deadline)

लाडकी बहीण योजनेत ई केवायसी करण्यासाठी अवघे ३ दिवस उरले आहेत. तुम्ही लवकरात लवकर ईकेवायसी करायची आहे. ई केवायसी करण्यासाठी महाराष्ट्र सरकारनेही आवाहन केले आहे. जर तुम्ही ई केवायसी केले नाही तर तुम्हाला योजनेचा लाभ मिळणार नाहीये.सर्व लाभार्थी महिलांना ईकेवायसी करणे अनिवार्य केले आहे.