Ladki Bahin Yojana: लाडक्या बहिणींना अजून एक धक्का! ९५२६ महिलांचे अर्ज बाद; कारण काय?

लाडकी बहीण योजनेतून (Ladki Bahin Yojana) लाखो महिलांचे अर्ज बाद करण्यात आले आहेत. जवळपास ५० लाख महिलांना या योजनेतून वगळण्यात आले आहे. या महिलांनी निकषांबाहेर जाऊन योजनेचा लाभ घेतला आहे. त्यामुळे त्यांना यापुढे योजनेचा लाभ मिळणार नाहीये. दरम्यान, या योजनेत अनेक सरकारी कर्मचाऱ्यांनी लाभ घेतला आहे. याचसोबत अनेक सरकारी सेवानिवृत्त महिलांनी योजनेचा लाभ घेतला आहे.

निवृत्त सरकारी कर्मचाऱ्यांनी घेतला लाडकी बहीण योजनेचा लाभ (Retired Government Employees Take Benefit of Scheme)

लाडकी बहीण योजनेत झालेले एकेक घोटाळे समोर येत आहे. आधी १४ हजार पुरुषांनी योजनेचा लाभ घेतल्याचे समोर आले होते. त्यानंतर आता जवळपास ९५२६ सरकारी कर्मचारी असणाऱ्या महिलांनी या योजनेचा लाभ घेतला आहे. या महिला राज्य सरकारी सेवेतून निवृत्त झालेल्या आहेत.

राज्य सरकारी सेवेतून निवृत्त झाल्या असतानाही या महिला लाडकी बहीण योजनेचा लाभ घेत आहेत. या महिलांना कर्मचारी निवृत्ती वेतन मिळते. तरीही त्यांना या योजनेचा लाभ मिळत आहेत. त्यांना दर महिन्याला १५०० रुपये मिळत आहे. यामुळे जवळपास ९ हजारांपेक्षा जास्त सेवानिवृत्त महिलांनी या योजनेचा लाभ घेतला आहे.

निकषांबाहेर जाऊन योजनेचा लाभ (Ladki Bahin Yojana Ineligible Women Take Benefit)

या महिलांनी निकषांबाहेर जाऊन योजनेचा लाभ घेतला आहे. या योजनेच्या अटींमध्ये स्पष्टपणे नमूद करण्यात आले होते की, सरकारी कर्मचारी किंवा सेवानिवृत्त महिला या योजनेचा लाभ घेऊ शकत नाही. तरीही या महिला महिन्याकाठी १५०० रुपये घेत आहेत. यामुळे आता या महिलांचे अर्ज बाद केले जाणार आहेत.या महिलांना इथून पुढे पैसे मिळणार नाहीत.