Ladki Bahin Yojana: लाडक्या बहि‍णींना मोठा धक्का; कोणत्या कारणामुळे मिळणार नाही १५०० रूपये

महाराष्ट्रात अनेक महिला 'लाडकी बहीण योजना'चा (Mukhyamantri Ladki Bahin Yojana) लाभ घेत आहेत. महिलांना आर्थिकदृष्ट्या सक्षम करण्यासाठी महाराष्ट्र सरकारने 'माझी लाडकी बहीण योजना' राबवत आहे. लाडकी बहीण योजने अंतर्गत लाभार्थी महिलेला दर महिना १५०० रुपये दिले जातात. लाडक्या बहिणी आता सहाव्या हप्त्याची वाट पाहत आहेत.

सरकारने आता 2100 रुपये देणार असल्याचे आश्वासन लाडक्या बहिणींना केले आहे. मात्र अद्यापही या बाबत कोणतीही अधिकृत माहिती समोर आली नाही. नवीन सरकार स्थापन झाल्यावर मुख्यमंत्री देवेंद्र फडणवीस यांनी 'लाडकी बहीण' योजनेत अनेक बदल केले आहे. बहिणींच्या अर्जाची पुन्हा तपासणी केली जाणार असल्याचे म्हटले आहे.

मीडिया रिपोर्टनुसार, पुणे जिल्ह्यात १५ ऑक्टोबरपर्यंत २१ लाखांहून अधिक 'लाडकी बहीण योजना'चा अर्ज दाखल करण्यात आले. आचारसंहितेच्या वेळी 'लाडकी बहीण' योजनेचे काम थांबले असल्यामुळे आता सरकार स्थापन झाल्यावर पुन्हा काम सुरू झाले आहे. आतापर्यंत पुण्यातील ९,८१४ अर्ज अपात्र ठरले आहेत तर ५,७२४ अर्ज छोट्या त्रुटींमुळे तात्पुरता नाकारण्यात आले असून एकूण अर्जदारांपैकी ६९,१७५ अर्जदारांची आधार संलग्नता तपासणी बाकी आहे.

आतापर्यंत पुणे जिल्ह्यात २० लाख ८४ हजार ३६४ महिलांना 'लाडकी बहीण' योजनेचा लाभ मिळाला आहे. पुण्यात अजूनही 12,000 अर्जाची छाननी होणे बाकी आहे.पुणे जिल्ह्यातील लाडक्या बहि‍णींना अर्जाची स्थिती महिला बालकल्याण विभागाच्या अधिकृत वेबसाइटवर पाहता येणार आहे. पुण्यात हवेली तालुक्यातून सर्वाधिक अर्ज आले आहेत.