ITR Filling: आयटीआर फाइल करताना ही कागदपत्रे महत्त्वाची, नसेल तर अडचणी येतील, लिस्ट वाचा

आयटीआर फाइल करण्यास सुरुवात झाली आहे. आयटीआर फाइल करण्याची मुदत वाढवण्यात आली आहे. आता तुम्हाला १५ सप्टेंबर २०२५ पर्यंत आयटीआर फाइल करता येणार आहे.आयटीआर फाइल करताना तुमच्याजवळ ही कागदपत्रे असणे गरजेचे आहे.

आयटीआर फाइल करण्यापूर्वी तुम्हाला तुमच्या उत्पन्नानुसार योग्या फॉर्म निवडायची आहे. याबाबतची माहिती आपल्याला काही कागदपत्रांमधून मिळते. यामुळे आयकर विभागाला पडताळणीसाठी अडचण येत नाही.

या कागदपत्रांमध्ये TDS, फॉर्म 26 AS, वार्षिक माहिती विवरण(AIS) आणि टॅक्सची माहिती याचा समावेश येतो. या सर्व कागदपत्रांच्या आधारेच फॉर्म भरला जातो. या कागदपत्रामुळे तुम्ही कोणत्याही अडचणींशिवाय फॉर्म भरु शकणार आहात.

फॉर्म 16 (Form 16)

आयटीआर भरताना फॉर्म 16 खूप महत्त्वाचा असतो. हे कागदपत्र कंपनीकडून दिले जाते. पगारदार वर्गाला जून महिन्यापर्यंत हे फॉर्म 16 दिला जातो. कंपनीकडून तुम्हाला कर वजा केल्यानंतर पगार दिला जातो. याबाबत माहिती या कागदपत्रात असते.

फॉर्म 16A (Form 16A)

फॉर्म 16 शिवाय TDS प्रमाणपत्रदेखील आवश्यक असते. यासाठी वेगवेगळे फॉर्म असतात.फॉर्म 16A मध्ये एफडीवरील व्याज, विमा कमिशन आणि लॉटरीतून मिळणाऱ्या उत्पन्नाचा समावेश असतो.

फॉर्म 16B (Form 16B)

फॉर्म 16B हा खरेदी केलेली मालमत्ता ५० लाखांपेक्षा जास्त असेल तर त्यांना दिला जातो. खरेदीदाराला विक्रेत्यास देयकातून कर वजा करणे गरजेचे आहे. त्यासाठी हा फॉर्म आहे.

फॉर्म 16C (Form 16C)

भाडेकरु किंवा घरमालकला TDS प्रमाणपत्र फॉर्म 16 C देतात.

AIS आणि 26AS

आयटीआर फाइल करताना वार्षिक माहिती विवरण (AIS) फॉर्म गरजेचा असतो. तसेच 26 AS देखील गरजेचा असतो. ही दोन्ही कागदपत्रे आयकर विभागाकडून जारी केली जातात. यामुळे तुम्हाला आयटीआर भरणे सोपे होणार आहे. यामध्ये तुमच्या उत्पन्नाची माहिती असते.

टॅक्स सेव्हिंग इन्व्हेस्टमेंट (tax Saving Investment)

करदाते जुना कर पर्यात निवडू शकतात. यामध्ये ते कर वाचवण्यासाठी केलेली गुंतवणूक आणि खर्च दाखवू शकतात. लम 80 C, 80 CCD (1 B), 80 D, 80 DD आणि 80 TTA अंतर्गत कर सवल मिळवू शकतात.