Success Story: IIT मधून इंजिनियरिंग, लंडनमधील लाखोंच्या पगाराची नोकरी सोडली, पहिल्याच प्रयत्नात UPSC क्रॅक; IPS आशिष तिवारी यांचा प्रवास

अनेकांचे आयएएस, आयपीएस होण्याचे स्वप्न असते. यासाठी यूपीएससी परीक्षा द्यावी लागते. यूपीएससी परीक्षेत यश मिळवण्यासाठी दिवसरात्र मेहनत करावी लागते. अनेकदा आपल्याला एखाद्या ठिकाणी चांगली नोकरीदेखील मिळते. स्वप्न पूर्ण करण्यासाठी दुसरा मार्गदेखील असतो. परंतु तरीही मनात आयएसस, आयपीएस होण्याची इच्छा असते. यासाठी खूप मेहनत घ्यावी लागते. असंच काहीसं आशिष तिवारी यांच्यासोबत झालं. त्यांनी लंडनमधील नोकरी सोडून यूपीएससी परीक्षा दिली.

आशिष तिवारी यांचे शिक्षण (IPS Ashish Tiwari Education)

आशिष तिवारी यांचा जन्म २६ ऑगस्ट १९८३ मध्ये मध्य प्रदेशमधील होशांगाबाद गावी झाला. ते मध्यमवर्गीय कुटुंबात लहानाचे मोठे झाले. त्यांचे वडील रेल्वेत इंजिनियर होते. आशिष यांनी आपले शालेय शिक्षण होशांगाबाद येथील केंद्रीय विद्यालयातून पूर्ण केले. ते सुरुवातीपासूनच हुशार होते. त्यानंतर त्यांनी आयआयटी कानपूरमध्ये अॅडमिशन घेतले. त्यांनी कॉम्प्युटर सायन्समध्ये बीटेक आणि एकटेक केले.

लंडन-जपानमधील नोकरी सोडली

शिक्षण पूर्ण झाल्यानंतर आशिष यांना लंडनमधील एका प्रसिद्ध कंपनीत नोकरी मिळाली. त्यानंतर त्यांना जपानमध्ये नोकरी करण्याची संधी मिळाली. परदेशात नोकरी करण्याची संधी मिळूनदेखील आशिष यांचे मन लागत नव्हते. ते २०१० मध्ये भारतात परतले आणि त्यांनी यूपीएससी परीक्षेची तयारी सुरु केली. त्यांनी पहिल्याच प्रयत्नात यूपीएससी परीक्षा पास केली. त्यांना ३३० रँक मिळाली. त्यांनी पुन्हा परीक्षा दिली. यावेळी २०१२ मध्ये त्यांनी २१९ रँक प्राप्त केली.