फक्त ४१६ रूपयांत व्हाल करोडपती; पोस्टाची भन्नाट योजना कोणती? जाणून घ्या सविस्तर

सध्या गुंतवणुकीचे अनेक पर्याय उपलब्ध आहेत. अधिक परतावा मिळणाऱ्या योजनेत आपण हमखास गुंतवणूक करतो. नोकरदार वर्ग मोठ्या प्रमाणात फिक्स डिपॉझिट आणि आर.डीमध्ये पैसे गुंतवणूक करतात. पण पोस्ट ऑफिसच्याही अशा काही योजना आहेत, जे भन्नाट आहेत. सरकारतर्फे पोस्ट ऑफिसमार्फत पीपीएफ, सुकन्या समृद्धी योजना, SCSS यांसारख्या अनेक योजना राबवल्या जातात. जर आपल्याला योजनेतून उत्तम परतावा हवा असेल तर, पीपीएफ योजनेत गुंतवणूक करा.

आज आपण अशा एका गुंतवणुकीच्या पद्धतीबद्दल जाणून घेणार आहोत, ज्यात अतिशय कमी रकमेची बचत करून कोट्यवधी रूपये मिळवू शकता. तसेच निवृत्तीनंतर पेंशनप्रमाणे उत्पन्नही मिळवू शकता. यासाठी आपल्याला दोन योजनांमध्ये पर्यायाने गुंतवणूक करावी लागेल. PPF आणि SCSS.

PPF

पब्लिक प्रॉव्हिडंट फंड म्हणजेच पीपीएफ. ही योजना दीर्घकालीन गुंतवणुकीसाठी अत्यंत उपयुक्त अशी योजना आहे. या योजनेतून ७.१ टक्के व्याज मिळते. या योजनेची मुदत १५ वर्षांची असते. मात्र, इच्छेनुसार, आपल्याला ५ वर्षांनी वाढवता येईल. ही योजना पूर्णपणे करमुक्त आहे.

दररोज ४१६ रूपयांची बचत

PPF या योजनेत आपण महिन्याला १२,५०० किंवा दररोज फक्त ४१६ रूपये इतकी बचत करू शकता. PPF अकाऊंटमध्ये थेट जमा करू शकता. ही रक्कम आपली पूर्णपणे करमुक्त असेल. या योजनेत आपल्याला ७.१ टक्के व्याज मिळेल.

१५ वर्षानंतर- तुमची एकूण गुंतवलेली रक्कम ४१.३५ लाख होईल. (२२.५० लाख रूपयांची गुंतवणूक + १८.८५ लाख रूपयांचे व्याज).

२० वर्षानंतर - २० वर्षांसाठी ४१६ रूपयांची गुंतवणूक केली. तर, मॅच्युरिटीनंतर ६७.६९ लाख रूपये मिळतील. (३० लाख रूपयांची गुंतवणूक + ३७.६९ लाख रूपये व्याज).

२५ वर्षानंतर - २५ वर्षांसाठी गुंतवणूक केल्यास आपल्याला १.०३ कोटी रूपये मिळतील. (३७.५० लाख रूपयांची गुंतवणूक + ६५.५० लाख रूपये व्याज).