Indian Bank Job: कोणत्याही परीक्षेशिवाय मिळणार बँकेत नोकरी, पगार ८५,९२० रुपये; पात्रता काय?वाचा

बँकेत नोकरी करण्याची सुवर्णसंधी तुमच्याकडे आहे. इंडियन बँकेत सध्या भरती जाहीर करण्यात आली आहे. ऑफिसर पदांसाठी ही भरती केली जाणार आहे. या नोकरीसाठी तुम्हाला कोणत्याही प्रकारची परीक्षा द्यावी लागणार नाहीये. स्पोर्ट्समॅन पदासाठी ही भरती केली जाणार आहे.

ज्या उमेदवारांना खेळाची आवड आहे किंवा स्पोर्ट्स बॅकग्राउंडमधून आहेत. त्यांच्यासाठी ही उत्तम संधी आहे. या नोकरीसाठी कोणतीही लेखी परीक्षा घेतली जाणार नाहीये. फक्त स्क्रिनिंग, स्पोर्ट्स ट्रायल आणि इंटरव्ह्यूद्वारे उमेदवारांची निवड केली जाणार आहे. या नोकरीसाठी इच्छुक उमेदवारांनी indianbank.bank.in वेबसाइटवर जाऊन अर्ज करायचा आहे.

इंडियन बँकेत ऑफिसर, JMG स्केल-I, क्लर्क पदांसाठी भरती केली जाणार आहे. अर्जप्रक्रिया ४ फेब्रुवारीपासून सुरु झाली आहे. अर्ज करण्याची शेवटची तारीख २४ फेब्रुवारी २०२६ असणार आहे. या नोकरीसाठी १८ ते २६ वयोगटातील उमेदवार अर्ज करु शकतात.

इंडियन बँकेतील नोकरीसाठी निवड झाल्यावर ऑफिसरJMG स्केल I पदासाठी ४८४८०-८५९२० रुपये पगार मिळणार आहे. क्लर्क पदासाठी २४०५० ते ६४४८० रुपये पगार मिळणार आहे. या नोकरीसाठी अर्ज करणाऱ्या उमेदवारांना अॅथलेटिक्स, बास्केटबॉल, चेस, वॉलीबॉल हे खेळ खेळता यायला हवे.

पात्रता

ऑफिसर पदासाठी उमेदवारांनी १२वी पास असणे गरजेचे आहे. याचसोबत स्पोर्टसमध्ये देशाचे प्रतिनिधित्व केलेले असावे. क्लर्क पदासाठी १२वी पास असणे गरजेचे आहे. याचसोबत स्टेट ज्युनियर नॅशनल किंवा नॅशनल स्पर्धेत राज्याचे प्रतिनिधित्व केलेले असावे.