Income Tax Refund: आयटीआर फाइल केलाय, पण अजूनही रिफंड आला नाही? ही कारणे असू शकतात कारणीभूत

करदात्यांना आयटीआर फाइल करावा लागतो. आयटीआर फाइल केल्यानंतर ३-४ आठवड्यात रिफंडचे पैसे दिले जातात. बँक अकाउंटमध्ये पैसे जमा केले जातात. दरम्यान, जर कमी रक्कमेचा रिफंड असेल तर त्याचं प्रोसेसिंग लगेच होते. जर अमाउंट जास्त मोठी असेल तर रिफंड येण्यास उशिर होते. दरम्यान, तुम्हाला जर रिफंड उशिराने मिळाला असेल तर त्यामागे अनेक कारणे असू शकतात.

रिफंड उशिरा येण्याची कारणे

१. चुकीचे बँक अकाउंट

आयकर रिफंड येण्यासाठी बँक अकाउंट प्री वॅलिडेट असणे गरजेचे आहे. तुम्ही आयकर विभागाच्या पोर्टलवर जाऊन अकाउंट प्री वॅलिडेट आहे की नाही हे चेक करु शकतात. अकाउंट प्री वॅलिडेटेड असेल तर लगेच अकाउंटमध्ये रिफंड जमा होतो.

२. आयटीआर वेरिफाय न करणे

इन्कम टॅक्स रिटर्न फाइल करण्यासाठी वेरिफाय असणे गरजेचे आहे. तुम्ही ऑनलाइन पद्धतीने आयटीआर वेरिफाय करणे गरजेचे आहे. तुम्ही ऑफलाइन पद्धतीनेदेखील वेरिफाय करु शकतात.आयटीआर फाइल केल्यानंतर ३० दिवसात वेरिफाय करणे गरजेचे आहे.

३. डिफेक्टिव्ह रिटर्नच्या नोटिसला उत्तर देण्यास उशिर

आयकर विभाग जर रिटर्नमध्ये काही चुका आढळल्या तर डिफेक्टिव्ह नोटीस जारी करतात. जर तुम्ही या नोटीसला १५ दिवसांच्या आत उत्तर दिले नाही तर पुढे प्रोसेसिंग होत नाही. त्यामुळे रिफंडचे पैसे लवकर मिळत नाही.

४. डिडक्शनसाठी चुकीचा क्लेम

आयकर विभाग डिडक्शन आणि एग्जेम्पशन क्लेमची छाननी करतात. जर आयकर विभागाला यामध्ये काही चुका आढळल्या तर प्रोसेसिंग करता येत नाही. त्यामुळे रिफंड मिळत नाही.