PPF, NPSच्या गुंतवणूकदारासाठी महत्त्वाची बातमी! ३१मार्चपर्यंत करा 'ही' कामे नाहीतर होईल नुकसान

PPF, NPS Investors :

पीएफएफ, एनपीएस आणि सुकन्या समृद्धी या योजनेमध्ये गुंतवणूक करणाऱ्यांसाठी महत्त्वाची बातमी आहे. जर तुम्हीही या योजनेत गुंतवणूक केली असेल तर ३१ मार्च २०२४ पूर्वी या योजनेत किमान रक्कम गुंतवा. जर असं नाही केलं नाही तर तुमचे खाते बंद करण्यात येईल. त्यानंतर पुन्हा खातं उघडण्यासाठी गुंतवणुकीच्या रकमेसह तुम्हाला शुल्क भरावे लागेल. भुर्दंड होऊ नये यासाठी पुढील ८ दिवसांमध्ये PPE, NPS आणि SSY मध्ये गुंतवणूक करा.(Latest News)

वेळेवर गुंतवणूक करा

सार्वजनिक भविष्य निर्वाह निधी(ppf), नॅशनल पेन्शन सिस्टम(nps) आणि सुकन्या समृद्धी या योजनांमधील गुंतवणूकदारांना प्रत्येक आर्थिक वर्षात त्यांच्या खात्यात किमान रक्कम जमा करावी लागेल. या योजनांचे खाते सक्रिय ठेवण्यासाठी तुम्हाला प्रत्येक वर्षात काही रक्कम जमा करणे बंधनकारक आहे.जर तुम्ही किमान रक्कम जमा करण्यास टाळले तर तुमचे खाते बंद केले जाऊ शकते.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

तुम्ही पीपीएफमध्ये गुंतवणूक केली आहे का?

सार्वजनिक भविष्य निर्वाह निधी (Public Provident Fund) ही भारतातील दीर्घकालीन गुंतवणूक योजनांपैकी एक आहे. या योजनेमध्ये तुम्ही दरवर्षी किमान ५०० ते १.५ लाख रुपयांपर्यंत गुंतवणूक करू शकता. सरकार पीपीएफवरील व्याजदर ठरवत असते. सध्या त्यावर वार्षिक ७.१ टक्के व्याजदर लावण्यात आले आहे. पीपीएफचा लॉक-इन कालावधी १५ वर्षांचा आहे, ज्यामुळे गुंतवणूकदार १५ वर्षांपर्यंत पैसे काढू शकत नाही.