Tax Savings : पत्नीच्या खात्यात पैसे ट्रान्सफर करुनही वाचवता येईल कर; वाचा काय आहे नियम?

How To Save Tax :

मार्च महिना जवळ आला की, अनेकांना टेन्शन येते ते टॅक्स भरण्याचे आणि वाचवण्याचे. आर्थिक वर्ष २०२३-२४ लवकरच संपणार असून प्रत्येकजण कर वाचवण्याच्या तयारीत आहे. जर तुम्हालाही टॅक्स वाचवायचे असेल तर तुम्ही ही आयडिया वापरु शकता.

पत्नीच्या खात्यात पैसे (Money) ट्रान्सफर करता का? तुम्ही तुमच्या पत्नीला किंवा काही कामासाठी पैसे दिले आहेत का? जर देत असाल तर तुम्ही टॅक्स (Tax) भरण्यापासून वाचवू शकता. कसे ते जाणून घेऊया.

आयकर कायद्याच्या कलम ६० ते ६४ मध्ये क्लबिंग ऑफ इन्कमची तरतूद करण्यात आली आहे. दुसऱ्याकडून मिळालेल्या उत्पन्नावर तुमच्या नावावर कर कापला गेला असेल तर त्याला उत्पन्नाचे क्लबिंग म्हणतात. हा नियम वैयक्तिक करदात्यांना लागू होतो. जाणून घेऊया कर कसा वाचवायचा त्याविषयी

तुम्ही तुमच्या पत्नीला २ लाख रुपये दिले आणि तिने ते पैसे फिक्स डिपॉझिट, म्युच्युअल फंड किंवा स्टॉक्समध्ये गुंतवले (Investment) तर त्यातून मिळणारी रक्कम तुमच्या नावावर येईल. ज्यामुळे तुम्हाला कर भरावा लागेल. त्याचप्रमाणे जर तुम्ही तुमचे घर भाड्याने दिले असेल आणि घर तुमच्या नावावर असेल तर त्यातून मिळणारे उत्पन्नाचा देखील करमध्ये जोडला जाईल.

1. तुम्ही कर कसा वाचवू शकता?

• ज्यांचे लग्न होणार आहे. त्यांनी लग्नाआधी आपल्या भावी पत्नीच्या नावावर कोणतीही मालमत्ता किंवा भेटवस्तू केली तर ती मिळकत एकत्र करण्याच्या तरतुदीत येत नाही.

• जर तुम्ही पत्नीला खर्चासाठी पैसे दिले असतील आणि त्यातून तिने बचत केली असेल तर ते तुमच्या उत्पन्नात जोडले जाणार नाही.

• तसेच तुम्ही आरोग्य विम्याद्वारे कर वाचवू शकता. कलम 80D अंतर्गत तुम्ही तुमच्या कुटुंबाच्या नावावर आरोग्य विमा प्रीमियमवर २५,००० रुपयांपर्यंत बचत करु शकता.

• गुंतवणुकीसाठी तुम्ही जॉइंट अकाउंट ओपन करु शकता. यासाठी तुम्ही प्राइमरी होल्डर असणे गरजेचे आहे. ज्याची टॅक्स लायबिलिटी कमी आहे.