Increase Home Loan EMI : आपल्यापैकी अनेकांचे घर घेण्याचे स्वप्न असते. पण पैशांच्या अभावामुळे आपल्याला हवे तसे विकत घेता येत नाही. यासाठी आपण बँकेतून लोनच्या साहाय्याने घर खरेदी करतो.
अशातच देशातील सर्वात मोठी फायनान्स कंपनी ICICI बँक, पंजाब नॅशनल बँक आणि बँक ऑफ इंडियाने जवळपास सर्वच मुदतीच्या गृहकर्जावरील व्याजदरात वाढ केली आहे. त्यामुळे तिन्ही बँकांच्या लाखो कर्जधारकांना मोठा फटका बसणार आहे. यासाठी ग्राहकांना आता कर्जाचा अधिक EMI भरावा लागणार आहे.
ICICI बँक (Bank), पंजाब नॅशनल बँक आणि बँक ऑफ इंडियाने त्यांच्या किरकोळ किमतीवर कर्ज दर म्हणजे MCLR मध्ये सुधारणा केली आहे. ज्यामध्ये सर्व प्रकारच्या कर्जाचा (Loan) समावेश आहे. बँकेच्या वेबसाइटनुसार (Website) नवीन व्याजदर १ ऑगस्ट २०२३ पासून लागू करण्यात आले आहेत.
1. ICICI बँक
ICICI बँकेने सर्व कालावधीसाठी MCLR 5 bps ने वाढवला आहे. ICICI बँकेच्या वेबसाइटनुसार एका रात्रीत, एक महिन्याचा MCLR दर 8.35 टक्क्यांवरून 8.40 टक्के करण्यात आला आहे. ICICI बँकेतील तीन महिने, सहा महिन्यांचा MCLR अनुक्रमे 8.45 टक्के आणि 8.80 टक्के करण्यात आला आहे. त्याच वेळी, एक वर्षाचा MCLR दर 8.85 टक्क्यांवरून 8.90 टक्के करण्यात आला आहे.
2. पंजाब नॅशनल बँक
पीएनबी बँकेच्या वेबसाइटनुसार, MCLR 8.10 टक्के ठेवण्यात आला आहे. त्याच वेळी, एका महिन्याच्या कालावधीसाठी MCLR दर 8.20 टक्के आहे. PNB मध्ये तीन महिने, सहा महिन्यांचा MCLR 8.30 टक्के आणि 8.50 टक्के आहे. तर, एका वर्षासाठी MCLR आता 8.60 टक्के आणि तीन वर्षांसाठी 8.90 टक्के आहे.
3. बँक ऑफ इंडिया
बँक ऑफ इंडियाने MCLR दर सुधारित केले आहेत आणि निवडक मुदतीवरील दर वाढवले आहेत. बँक ऑफ इंडियाच्या वेबसाइटनुसार, MCLR 7.95 टक्के आहे, एका महिन्यासाठी MCLR दर 8.15 टक्के केले आहे. बँक ऑफ इंडियाने तीन महिने, सहा महिन्यांचा MCLR दर अनुक्रमे 8.30 टक्के आणि 8.50 टक्के ठेवला आहे. त्याच वेळी, MCLR आता एका वर्षासाठी 8.70 टक्के आणि तीन वर्षांसाठी 8.90 टक्के निश्चित करण्यात आला आहे.
4. MCLR वाढल्याने EMI देखील वाढला
मार्जिनल कॉस्ट लेंडिंग रेट म्हणजेच MCLR हा मूलभूत किमान दर आहे ज्याच्या आधारावर बँका ग्राहकांना कर्ज देतात. विविध प्रकारच्या कर्जांचे व्याजदर निश्चित करण्याच्या उद्देशाने 2016 मध्ये RBI द्वारे MCLR ची स्थापना करण्यात आली. जर बँकेने MCLR मध्ये कोणत्याही प्रकारचा बदल केला तर कर्जाच्या किमतीवर म्हणजेच व्याजदरावरही परिणाम होतो, ज्याचा थेट परिणाम उच्च EMI च्या रूपाने ग्राहकांच्या खिशावर होतो.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.